A Scarta San Pablo D'a Eb' Aj Filipos 1:14 - Chuj San Mateo Bible

¹⁴ Ayic yilan eb' creyente to tec'an svutej in b'a d'a preso tic, tzijtum eb' ix stec'b'ejpax sb'a vuuj. Maxtzac xivlaj eb' yalanel slolonel Dios d'a tic. Ix stec'b'ej sb'a eb' yac'anoch Cajal Jesús yipoc sc'ool.

Chuj San Sebastian Bible

¹⁴ A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.

A Scarta San Pablo D'a Eb' Aj Filipos 1:14 Referans Kwoze

1 Ts 2:2

A d'a chon̈ab' Filipos b'ab'laj ec'nac on̈. Eyojtac to nivan yaelal ec' cab'nac ta'. Yac'nac val chucal eb' d'ayon̈. Ayic co c'ochnac d'a e chon̈ab' chi', cab'nacxo syaelal chi'. Palta a co Diosal ochnac qued'oc, yuj chi' maj on̈ xiv calanel vach' ab'ix d'a e cal.

Lc 1:74

to ol on̈ scol d'a yol sc'ab' eb' cajc'ool, yic man̈ xivc'olaloc scal co b'a d'ay.

A Scarta San Pablo D'a Eb' Aj Colosas 4:4

Lesalvan̈ec vuuj, yic ol yal valanel yab'ixal Cristo d'a stojolal.

A Scarta San Pablo D'a Eb' Aj Filipos 1:7

Smojton tzin na juntzan̈ tic eyuj e masanil, yujto te xajan ex vuuj. E masanil ix ex colvaj ved'oc d'a vopisio ix yac' Dios tic. Vach'chom preso vaji, ma ayic vec'nac valeli to yel jun vach' ab'ix yic colnab'il tic, ma ayic svac'anpax stec'anil eb' syac'och sc'ool d'ay, tzex colvajn̈ej ved'oc.

A Scarta San Pablo D'a Eb' Aj Colosas 4:7

A vin̈ cuc'tac Tíquico tic, xajan val vin̈ cuuj. Tec'an val smunlaj vin̈ d'a co Mam Dios. Ayoch vin̈ yac'an servil Cajal Jesús ved'oc. Ol b'at vin̈ yal d'ayex tastac caj d'a tic.

A Scarta San Pablo D'a Eb' Aj Filipos 4:1

Ex vuc'tac ex vanab', te xajan ex vuuj. Ay val in gana tzin b'at ex vila', yujto tzin te tzalaj eyuuj. Eyuujn̈ej toxo ix in cha spac in munlajel. Yuj chi', ex in xajanab'il, tec'an tzeyutej e b'a eyac'anoch Cajal Jesús d'a e c'ool.

Ef 3:13

Yuj chi' tzin tevib'at d'ayex, yic max eyac' somchaj e pensar yuj jun yaelal ix ja d'a vib'an̈ yuj e vach'iloc. A juntzan̈ yaelal chi', a' sch'oxani to te nivan eyelc'och d'a yichan̈ Dios.

2 Co 3:12

Yujto scac'och jun tic yipoc co c'ool, yuj chi' max on̈ xiv calaneli.

2 Co 7:4

Tzex vac'och yipoc in c'ool, tzex valan vach'il. Vach'chom nivan yaelal tz'ac'jioch d'a quib'an̈, palta eyuuj snivanaj in c'ool svab'i. Tzin tzalaj val eyuuj.

A Scarta San Pablo D'a Eb' Aj Filipos 1:20

Svac'och yipoc in c'ool to man̈ ol in q'uixvoclaj. In gana tec'an ol vutoc in b'a valanel ichataxon svutej in b'a. Tato icha chi', vach'chom pitzan in ma ol in chamoc, vuuj ol checlajelta to te nivan yelc'och Cristo.

2 Ti 2:9

A ticnaic van vab'an syail, yujn̈ej to svalel jun vach' ab'ix tic. Ayoch q'uen cadena d'ayin, ichato te nivan in mul d'a yichan̈ ley. Palta a slolonel Dios, man̈ ayoc och q'uen cadena d'ay icha vaj a in tic.

Mr 3:3

Ix yalan Jesús d'a vin̈ sicb'inaquel sc'ab' chi': —Q'uean̈ lin̈an, cotan̈ d'a co nan̈al tic, xchi Jesús d'a vin̈.