Os 12:4 - Chuj San Mateo Bible

⁴ Stelajnac sb'a vin̈ yed' Dios yed' jun ángel, masanto yac'nac ganar jun ángel chi' vin̈. Oc'nac vin̈, sc'anannac svach'c'olal Dios vin̈ d'a yib'an̈. A d'a Betel sch'oxnac sb'a Dios d'a vin̈, lolonnac vin̈ yed' ta'.

Chuj San Sebastian Bible

⁴ Xya'lj yip yet' jun ángel, masnto xyac' ganar. 'Ix 'oc' Jacob, 'ix sc'ann swach'c'ojlal jun ángel chi 'a yib'an̈. A 'a Bet-el, ata sch'oxjnac sb'a Dios 'a 'a, ata xpaxtin yet' ta'.

Os 12:4 Referans Kwoze

Malaquías 3:1

A Jehová Yajal d'a Smasanil tz'alan icha tic: Ol in checb'at jun in checab', yic b'at sb'o in b'e a in Yajal in tic tan̈vab'il in eyuuj. Elan̈chamel ol in och d'a yol in templo. Tze nib'ej sc'och lemnaj in checab' chi', yic syac'an elc'och in trato. Ab'ec, a in ton val ol in c'ochoc.

Gn 35:15

Betel ix sb'iejcan jun lugar chi' yuj vin̈.

A Ch'an̈ Carta D'a Eb' Hebreo 5:7

Ayic ix ec' Jesús d'a yolyib'an̈q'uinal tic, te chaan̈ ix lesalvi, ix oq'ui ayic ix sc'anan tas d'a Dios, aton jun ay spoder scolanelta d'a yol sc'ab' chamel. Ix ab'ji slesal chi', yujto te nanam ix yutej sb'a d'ay.

1 Ts 4:17

Ol lajvoc chi', a on̈xo pitzan on̈to ta' junn̈ej ol aj quic'jichaan̈ yed' eb'. Axo co b'at chi' d'a scal asun d'a nan̈al chaan̈, yic b'at co cha Cajal Jesús chi'. Ichato chi' ol on̈ aj yed' d'a juneln̈ej.

Is 63:9

d'a masanil syaelal. Man̈ ch'ococ mach ix schecb'at scol eb', palta a val ix sch'ox sb'a icha ángel yic scolan eb'. Yujto xajan eb' yuuj, tz'oc' sc'ol d'a eb', yuj chi' ix colji eb' yuuj. Ix quetzjib'ey eb' yuuj, ichataxon sc'ulej yed' eb'.

Salmos 66:6

Taquin̈ luum ajnac a' mar yed' a' nivac a' yuuj, axo ta' ec'naccot eb' co mam quicham. Tzalajocab' co c'ool d'a Dios.

Gn 48:15

Ix yalan vach' lolonel vin̈ d'a yib'an̈ vin̈aj José chi', icha tic: A Dios aton jun ix c'anab'ajaj yuj vin̈ in mam icham aj Abraham yed' vin̈ in mam aj Isaac, a' tzin tan̈vani yictax ix in alji yed' pax ix in b'eyn̈ejcoti.

Gn 32:29

—A ticnaic al d'ayin tas a b'i ach tic, xchi vin̈aj Jacob chi'. Axo ix yalan jun vinac chi' icha tic: —¿Tas yuj tza c'anb'ej in b'i? xchi. Ata' ix yalcan vach' lolonel d'a yib'an̈ vin̈aj Jacob chi'.

Gn 32:24

Axo yic ix can vin̈ sch'ocojil, ix yac'an oval vin̈ yed' jun vinac masanto ix sacb'i.

Gn 32:26

Ix yalan jun vinac chi' d'a vin̈ icha tic: —Actej in eli yujto vanxo sacb'i, xchi. Ix yalan vin̈aj Jacob d'ay icha tic: —Man̈ ol ach vactejeli, tato man̈ ol alcan junoc vach' lolonel d'a vib'an̈, xchi vin̈.

Gn 25:26

Tzac'an ix alji junxo yuc'tac chi', yub'yub' och d'a sjaj yoc vin̈aj Esaú chi', yuj chi' Jacob ix yac' eb' sb'iej. 60 ab'il sq'uinal vin̈aj Isaac chi' ayic ix alji eb' yune' ix Rebeca chi'.

Gn 32:25

Axo jun vinac chi', ix yila' to max ac'ji ganar vin̈aj Jacob chi' yuuj, yuj chi' ix mac'jiel yacan̈il xub' vin̈aj Jacob chi' yuuj. Ix el chinnaj xub' vin̈ chi' ayic ix yac'an oval eb'.