Nm 5:2 - Chuj San Mateo Bible

² Al d'a masanil eb' etisraelal to a eb' anima penaay yuj lepra, eb' tz'el yin̈atil yuj junoc ilya ayoch d'ay, ma eb' syaman junoc chamnac, yovalil tz'ic'jiel eb' d'a spatiquel campamento.

Chuj San Sebastian Bible

² Al 'a eb' et israelal cha, to tz'ijx 'el eb' 'anma ya'ay yuj lepra 'a spatc 'el camplamento yuj eb', eb' tztob' yin̈tl yuj junc yailal 'aych 'a 'a, mto eb' tzyamn junc chamnc 'anma'.

Nm 5:2 Referans Kwoze

Lv 21:1

Ix yalanxi Jehová d'a vin̈aj Moisés chi' icha tic: Al d'a eb' sacerdote, eb' yin̈tilal vin̈aj Aarón, mocab' c'och eb' d'a stz'ey junoc chamnac yic man̈ chucoc scan eb' d'a yichan̈ ley, vach'chom ayto yuj sb'a eb' yed' jun chamnac chi'.

Lv 13:46

Ayic ayoch jun yab'il chi' d'ay, yovalil sch'ocoj tz'aj d'a spatiquel campamento.

Nm 12:14

Ix tac'vi Jehová chi' d'a vin̈: Q'uinaloc tato a smam ix stzub'anoch d'a sat, ¿tom max can ix q'uixvelal uqueoc c'ual? Ocxom yuj jun smul ix ix och tic, yovalil tz'el ix uqueoc c'ual d'a spatiquel campamento. Slajvi chi', schajixioch ix, xchi d'a vin̈.

Nm 31:19

E masanil mach ex ix e milcham anima, ma ix eyam junoc chamnac, canan̈ec uqueoc c'ual d'a spatiquel campamento. A ex tic yed' eb' preso yaj eyuuj, yovalil tze b'iquel e b'a d'a schab'jial yed' d'a svac'jial.

A Ch'an̈ Schab'il Libro Yic Yab'ixal Eb' Rey 7:3

A d'a jun tiempoal chi', ay chan̈van̈ eb' vin̈ ayoch lepra d'ay, ayel eb' vin̈ d'a stiel chon̈ab' chi', ix yal-lan eb' vin̈ d'ay junjun: —¿Tas val sco c'ulej d'a tic? Ton̈ej c'ojan on̈ em co tan̈van cham co b'a.

Lv 13:8

Tato a syilan vin̈ sacerdote chi' to van sb'at leb'eb'oc jun yab'il chi', syal vin̈ to a jun yab'il chi' lepra toni.

Lv 14:8

A jun mach tz'ilji to vach'xo, yovalil sjuq'uel spichul, sb'icanpaxel sb'a, sjoxanel xil sjolom smasanil, yic vach'xon̈ej tz'ajcani. Ichato chi' syalxo yoch d'a yol campamento, palta uqueto c'ual scan ichn̈ej ta', maxto yal-laj yoch d'a yol b'aj cajantaxoni.

Lv 23:29

Tato ay junoc mach max c'anab'ajan yoch d'a tzec'ojc'olal d'a jun c'u chi', yovalil satjiel d'a e cal.

Nm 5:1

Ix yalanxi Jehová d'a vin̈aj Moisés chi' icha tic:

Nm 12:10

Ayic ix q'ue vaan asun chi' d'a yib'an̈ scajnub' Dios, axo ix María chi' sacvequinac yilji snivanil ix yuj lepra. Ix och q'uelan vin̈aj Aarón chi' d'a ix, ix yilan vin̈ to ayxo och lepra d'a ix.

Lv 13:45

A mach penaay yuj lepra, yovalil a pichul n̈ic'chimtac syac'ochi, malaj smusil sjolom syac'q'uei, smusan nan̈aloc sat. Tato sb'at d'a scal anima, tz'el yav, syalan icha tic: Elan̈ec, chuc vaji, chuc vaji, xchi.