Nm 5:15 - Chuj San Mateo Bible

¹⁵ A d'a cha macan̈ lolonel icha chi', a vin̈ vinac chi', syal yic'anb'at ix yetb'eyum vin̈ d'a yichan̈ junoc vin̈ sacerdote. Syac'an chan̈eoc libra ixim harina cebada vin̈ ofrendail yuj ix, palta max secjiemlaj aceite d'a yib'an̈ ixim, max ac'jipaxlaj incienso yed' ixim, yujto a jun ofrenda chi', ofrenda yic c'ac'alc'olal, yopisio yic scheclajelta mul.

Chuj San Sebastian Bible

¹⁵ A chab' nab'en tic, a win winc cha, tzyij 'at win 'ix yistl chi 'a yojltac win ya'mal 'och sti eb' 'anma'. Tzlajw cha, tzya'n chan̈e'oc libra 'ixm harina cebada 'icha ofrendail yuj 'ix. Matz secx 'ejm aceite 'a yib'n̈ 'ixim, matz 'ajx pax incienso yet'oc, yujto a jun ofrenda cha, yic c'a'lc'ojlal yaji, ofrenda yic tzya'n checljoc 'el 'ajmulal.

Nm 5:15 Referans Kwoze

Ez 29:16

Man̈xa b'aq'uin̈ ol yac'och Egipto chi' eb' aj Israel yipoc sc'ool. A yuj tas ol javoc d'a yib'an̈ Egipto chi', ol nachajel yuj eb' aj Israel to te chuc ix sc'ulej eb' ayic ix sc'anan scolval Egipto chi' eb'. Icha chi' ol aj snachajel yuj eb' to a in ton Jehová Yajal in, xchi Jehová, xa chi.

A Ch'an̈ B'ab'el Libro Yic Yab'ixal Eb' Rey 17:18

Ix yalan ix d'a vin̈aj Elías chi' icha tic: —Ach schecab' Dios, ¿tas alan ic d'ayin? ¿Tom yuj snachajcot in mul yed' scham tzun vune' tic, yuj chi' ach javi? xchi ix.

Lv 5:11

Tato malaj stumin jun anima chi' b'aj sman chavan̈oc noc' paramuch chi', yovalil syic'cot chan̈eoc libra ixim harina te vach', max b'atlaj aceite yed' incienso d'a scal, yujto ofrenda yuj mul yaji.

A Ch'an̈ Carta D'a Eb' Hebreo 10:3

Ocxo jun, yuj juntzan̈ silab' chi', snacot smul eb' d'a junjun ab'il.

Os 3:2

Yuj chi', ix in mananxi ix d'a 15 siclo q'uen plata yed' chan̈e' quintal ixim cebada yic tz'ochxi ix vetb'eyumoc.

Lv 2:1

Tato ay junoc ex tzeyic'cot ixim harina ofrendail d'a Jehová, a val ixim harina te vach' tzeyic'coti. A d'a yib'an̈ ixim chi' tzeyaq'uem aceite yed' incienso,

Nm 5:16

Axo vin̈ sacerdote chi' tz'alani to snitzcot sb'a ix ix chi', tz'ic'jioch ix d'a vichan̈ a in Jehová in tic.

Ez 21:23

Palta axo eb' anima d'a Jerusalén chi', ol sna eb' to a jun lolonel tz'alchaj tic to man̈ ol ujoc yuj juntzan̈ trato toxo ix yac' eb'. Palta a vin̈aj Nabucodonosor chi' ol ac'an snacot jantac schucal eb', yuj chi' ol ic'joccot eb' d'a Babilonia tic yuj vin̈.

Lv 1:2

Yuj chi' ix yalan vin̈aj Moisés chi' icha tic: Tato ay junoc ex tzeyic'cot junoc noc' noc' yic sn̈uschajtz'a smasanil silab'il d'a Jehová, a d'a scal noc' e vacax, d'a scal noc' e calnel ma d'a scal noc' e chiva, ata' tzeyic'cot noc'.