Nm 24:1 - Chuj San Mateo Bible

¹ Axo yic ix nachajel yuj vin̈aj Balaam to scha sc'ol Jehová ayic syalan vach' lolonel vin̈ d'a yib'an̈ eb' israel, majxo b'atlaj vin̈ sc'anb'ej yab' icha ix yutej d'a sb'ab'elal, an̈ej to ix b'at q'uelan vin̈ d'a tz'inan luum chi'.

Chuj San Sebastian Bible

¹ Yujto xyil Balaam to tzchaj sc'ojl Jehová yalx wach' paxti 'a yib'n̈ chon̈b' Israel, yuj cha, man̈x 'ic 'at sc'anb'j 'a Jehová tas 'oj yalx cha, man̈ 'icha'oc xyac' 'a b'ab'el, palta ton̈j 'ix 'at q'ueln 'a lum cusltac lu'um.

Nm 24:1 Referans Kwoze

Nm 23:23

A d'a yin̈tilalcan vin̈aj Jacob malaj yelc'och eb' naumel lolonel, malaj pax yelc'och eb' ajb'aal. A ticnaic yovalil tz'alchaj d'a chon̈ab' Israel icha tic: Tzijtum tas satub'tacxon̈ej yoch ix sc'ulej Jehová d'ay, xchiocab'i.

Nm 23:3

Ix yalanxi vin̈aj Balaam chi' d'a vin̈aj Balac chi' icha tic: —Canan̈ d'a stz'ey juntzan̈ silab' tic, ol b'at vila' tato sjavi Jehová yic slolon ved'oc, ol lajvoc chi' ol valan d'ayach tas val ol aj yalan d'ayin, xchi vin̈. Ix b'at vin̈ d'a jun nivan vitz malaj ste'al.

Apoc 2:14

Palta ayto juntzan̈ e paltail svila', yujto ayex tzato eyac'och e chiquin d'a sc'ayb'ub'al vin̈aj Balaam. A vin̈ ac'jinac sc'ool vin̈aj Balac ayic yac'annac juvoquel eb' israel vin̈. Yuj vin̈aj Balac chi', schinac juntzan̈ noc' eb', juntzan̈ noc' tz'ac'ji d'a scomon diosal eb'. Emnac pax eb' ajmulal.

Nm 31:16

A yuj tas ix yal vin̈aj Balaam, a val eb' ix ix tic ix ic'anb'at eb' quetisraelal d'a ajmulal. Ix och smul eb' d'a Jehová yuj yoch eb' ejmelal d'a comon dios Baal d'a Peor. Yuj chi' tzijtum eb' ix cham yuj jun ilya.

Nm 23:28

Yuj chi' ix ic'jib'at vin̈ yuj vin̈aj Balac chi' d'a jolom vitz Peor, b'aj te chequel quilan masanil tz'inan luum.

Nm 23:20

Ix yal Jehová d'ayin to sval vach' lolonel d'a yib'an̈ jun chon̈ab' tic. Tato icha chi' tz'aj yalani, max yal-laj in q'uexani.

Nm 23:15

Ix yalanxi vin̈aj Balaam chi' d'a vin̈aj Balac chi' icha tic: —Canan̈ d'a stz'ey altar tic, yacb'an b'at in lolon yed' Jehová, xchi vin̈.

Nm 22:13

Axo ix q'uin̈ib'i d'a junxo c'u, ix q'ue van vin̈aj Balaam chi', ix yalan vin̈ d'a eb' schecab' vin̈aj Balac chi' icha tic: —A ticnaic, meltzajan̈ec d'a e chon̈ab' yujto toxo ix yal Jehová to max yal-laj in b'at eyed'oc, xchi vin̈.

A Ch'an̈ B'ab'el Libro Samuel 26:25

Ix yalanxi vin̈aj Saúl chi' icha tic: —Ach David, yac'ocab' svach'c'olal Jehová d'a ib'an̈ ma. Svojtaquejeli to nivac yelc'och tas ol a c'ulej, vach'n̈ej ol ach ajelc'ochoc, xchi vin̈. Ix lajvi chi', ix pax vin̈aj Saúl chi' d'a spalacio, axo vin̈aj David chi' ix b'atxican vin̈.

A Ch'an̈ B'ab'el Libro Samuel 26:2

Yuj chi' ix b'at vin̈aj Saúl yed' oxe' mil eb' soldado yic Israel te jelan. Ix b'at eb' d'a tz'inan luum d'a yol yic Zif chi', yic sayec' vin̈aj David chi' eb'.

A Ch'an̈ B'ab'el Libro Samuel 24:20

Ix nachajel vuj ticnaic to a ach val ol ach och reyal, yuj chi' a opisio d'a yib'an̈ co chon̈ab' tic, malaj mach ol yal yic'anec' d'a yol a c'ab'.

Nm 22:7

Ix lajvi chi', ix b'at eb' yichamtac vinaquil chon̈ab' Moab yed' eb' yichamtac vinaquil Madián b'aj ayec' vin̈aj Balaam chi'. Te nivan q'uen tumin ix yic'b'at eb' yic stupan scatab' vin̈ chi' eb'. Ix yalan schecnab'il eb' ix yalb'at vin̈aj Balac chi'.

Nm 23:30

Ix schecan vin̈aj Balac b'ojoc uquexo altar chi' yic sn̈usjitz'a juntzan̈ noc' chi' d'a yib'an̈.