Nm 23:26 - Chuj San Mateo Bible

²⁶ Ix tac'vi vin̈aj Balaam chi' icha tic: —¿Tom maj val d'ayach jun, to a tas ol schec Jehová vala', aton yovalil svala'? xchi vin̈.

Chuj San Sebastian Bible

²⁶ Yuj cha, 'ix ta'w Balaam 'ixtc 'a winac: —¿Tom ma'ix wal 'ayach, to a tas 'oj yac' Jehová wala', a chi 'oj wala', 'in xin chi? xchi Balaam cha.

Nm 23:26 Referans Kwoze

A Tas Sc'ulejnac Eb' Schecab' Jesús Hechos 5:29

Palta ix tac'vi vin̈aj Pedro yed' juntzan̈xo eb' vin̈ schecab' Jesús, ix yalan eb' vin̈: —Yovalil a tas syal Dios, a sco c'anab'ajej. Axo juntzan̈ schecnab'il anima, tato max scha sb'a yed' yic Dios, max co c'anab'ajejlaj.

Nm 22:18

Ix tac'vipax vin̈aj Balaam chi' icha tic: —Vach'chom b'ud'jinac yol spalacio vin̈ yuj q'uen oro, ma yuj q'uen plata, syac'an vin̈ smasanil d'ayin, max yal-laj in c'ulan tas scot d'a in pensar in tenanec' tas syal Jehová in Diosal.

2 Cr 18:13

Ix tac'vi vin̈aj Micaías chi' icha tic: —Svac' in ti' d'a Jehová to an̈ej tas ol yal d'ayin, a' ol vala', xchi vin̈.

Nm 22:38

Ix tac'vi vin̈aj Balaam chi' icha tic: —Man̈ ac' pensar, ayinxo eq'ui, palta max yal-laj valani tastac tzin nib'ej svala', an̈ej tastac schec Dios vala', an̈ej ol vala', xchi vin̈.

A Ch'an̈ B'ab'el Libro Yic Yab'ixal Eb' Rey 22:14

Ix tac'vi vin̈aj Micaías chi' icha tic: —D'a yichan̈ Jehová sval d'ayach to a tas ol yal Jehová d'ayin, a ol vala', xchi vin̈.

Nm 23:25

Ix lajvi chi' ix yalan vin̈aj Balac chi' icha tic: —Tato max yal a catab'an jun chon̈ab' tic, mocab' alpaxcan vach' lolonel d'a yib'an̈, xchi vin̈.

Nm 23:27

Ix lajvi chi', ix yalanxi vin̈aj Balac chi' icha tic: —Cotan̈, ol ach vic'b'at d'a junocxo lugar, talaj ata' ol scha' sc'ol Dios a catab'an eb' israel chi', xchi vin̈.

Nm 23:3

Ix yalanxi vin̈aj Balaam chi' d'a vin̈aj Balac chi' icha tic: —Canan̈ d'a stz'ey juntzan̈ silab' tic, ol b'at vila' tato sjavi Jehová yic slolon ved'oc, ol lajvoc chi' ol valan d'ayach tas val ol aj yalan d'ayin, xchi vin̈. Ix b'at vin̈ d'a jun nivan vitz malaj ste'al.

Nm 23:17

Ix meltzaj vin̈ b'aj aycan vin̈aj Balac yed' eb' ay yopisio aj Moab d'a stz'ey silab' chi', ix sc'anb'an vin̈aj Balac chi' d'a vin̈ icha tic: —¿Tas ix aj yalan Jehová chi' d'ayach? xchi vin̈.