Nm 23:16 - Chuj San Mateo Bible

¹⁶ Ix sch'oxanxi sb'a Jehová chi' d'a vin̈, ix yalani tas ol yutoc vin̈ yalani. —Meltzajan̈ b'aj ayec' vin̈aj Balac chi', tzalan icha tz'aj valan tic d'ayach, xchi d'a vin̈.

Chuj San Sebastian Bible

¹⁶ Yajn̈j wal cha, 'ix schan sb'a Jehová yet' Balaam, 'ix yaln tas 'oj yutc paxtinc sb'a, xyaln pax 'a 'ixtic: —Meltzjan̈ 'a 'aj 'aycn Balac, tzaln 'a 'icha 'ix wutj waln 'aych tic, xchi.

Nm 23:16 Referans Kwoze

Nm 23:5

Ix lajvi chi' ix yalan Jehová chi' tas ol aj slolon vin̈. Ix yalan icha tic: —Meltzajan̈ b'aj ayec' vin̈aj Balac chi', tzalan tas ix val tic d'ayach, xchi d'a vin̈.

Nm 24:1

Axo yic ix nachajel yuj vin̈aj Balaam to scha sc'ol Jehová ayic syalan vach' lolonel vin̈ d'a yib'an̈ eb' israel, majxo b'atlaj vin̈ sc'anb'ej yab' icha ix yutej d'a sb'ab'elal, an̈ej to ix b'at q'uelan vin̈ d'a tz'inan luum chi'.

Nm 22:35

Ix tac'vi jun ángel chi' d'a vin̈ icha tic: —Syal a b'at yed' eb' anima tic, palta an̈ej val tas ol val d'ayach, an̈ej ol ala', xchi d'a vin̈. Yuj chi' ix b'atn̈ej vin̈ yed' eb' schecab' vin̈aj Balac chi'.

Nm 22:20

Ix sch'oxanpax sb'a Jehová d'a vin̈ d'ac'valil chi', ix yalan d'a vin̈: —Yacb'an to ix jax eb' vin̈ ach yic'b'ati, ixic yed' eb' vin̈, palta an̈ej val tas ol val d'ayach, an̈ej b'at ala', xchi d'a vin̈.

Nm 23:15

Ix yalanxi vin̈aj Balaam chi' d'a vin̈aj Balac chi' icha tic: —Canan̈ d'a stz'ey altar tic, yacb'an b'at in lolon yed' Jehová, xchi vin̈.

Nm 23:17

Ix meltzaj vin̈ b'aj aycan vin̈aj Balac yed' eb' ay yopisio aj Moab d'a stz'ey silab' chi', ix sc'anb'an vin̈aj Balac chi' d'a vin̈ icha tic: —¿Tas ix aj yalan Jehová chi' d'ayach? xchi vin̈.

Dt 18:18

Ol vic'chaan̈ junoc in checab' d'a e cal icha ach tic, junoc eyetchon̈ab'. A' in ol vac' yojtaquejel tas ol yala', ol yalan d'ayex masanil tas ol val chi'.