Nm 23:12 - Chuj San Mateo Bible

¹² Ix tac'vi vin̈aj Balaam chi' icha tic: —Yovalil a tas schec Jehová vala', a svala', xchi vin̈.

Chuj San Sebastian Bible

¹² 'Ix ta'w Balaam, xyaln 'a 'ixtic: —Toc wal 'oj in xiw waln tas tzyac' Jehová wal-li, xchi 'a 'a.

Nm 23:12 Referans Kwoze

Nm 22:38

Ix tac'vi vin̈aj Balaam chi' icha tic: —Man̈ ac' pensar, ayinxo eq'ui, palta max yal-laj valani tastac tzin nib'ej svala', an̈ej tastac schec Dios vala', an̈ej ol vala', xchi vin̈.

Nm 24:13

Vach'chom b'ud'an a palacio yuj q'uen oro, ma yuj q'uen plata, tzac'an q'uen d'ayin, palta max yal-laj in q'uexan tas syal Jehová, max yal-laj vac'an vach'c'olal, ma in catab'an b'aj scot d'a in c'ol in c'ulani, yujto a tas schec Jehová vala', aton yovalil svala'.

Nm 23:26

Ix tac'vi vin̈aj Balaam chi' icha tic: —¿Tom maj val d'ayach jun, to a tas ol schec Jehová vala', aton yovalil svala'? xchi vin̈.

Nm 23:20

Ix yal Jehová d'ayin to sval vach' lolonel d'a yib'an̈ jun chon̈ab' tic. Tato icha chi' tz'aj yalani, max yal-laj in q'uexani.

Tito 1:16

Slaj yal eb' to yojtac val Dios eb', palta a d'a sb'eyb'al eb' scheclajeli to man̈ yojtacoc Dios chi' eb'. B'alaj malaj svach'il eb' d'a yichan̈ Dios chi', yujto max sc'anab'ajej eb' tas syala'. Yuj chi' toxon max yal sc'ulan junoc tas vach' eb'.

Ro 16:18

Yujto a eb' chi', man̈oc Cajal Jesucristo syac' servil eb'. An̈ej juntzan̈ tas sgana snivanil eb' syac' servil. Syac'an musansatil juntzan̈ eb' maxto nachajel yuuj eb'. Te nanam syutej sb'a eb' yalani. Ichato vach' syal eb', palta man̈ vach'oclaj.

Pr 26:25

vach'chom man̈ jantacoc svach'il slolon eb' d'ayex, man̈ e cha eyab'i, yujto a eb' chi', an̈ej chucal sna eb' sc'ulej d'ayex.

Nm 22:20

Ix sch'oxanpax sb'a Jehová d'a vin̈ d'ac'valil chi', ix yalan d'a vin̈: —Yacb'an to ix jax eb' vin̈ ach yic'b'ati, ixic yed' eb' vin̈, palta an̈ej val tas ol val d'ayach, an̈ej b'at ala', xchi d'a vin̈.

Ex 4:15

A ach ol ach lolon d'a vin̈. Ol alani tas ol yutoc vin̈ sloloni. A inxo ol val d'ayex ayic van e lolon chi', ol vac'an e nael masanil tas ol e c'ulej.

Nm 23:13

Palta ix ochn̈ej ijan vin̈aj Balac chi' yalan icha tic: —Con̈ ved' d'a junocxo lugar, b'aj janic'n̈ej syal quilan d'a stitac scampamento eb', a val ta' ol a catab'ej eb' in c'ana', xchi vin̈.

Nm 23:3

Ix yalanxi vin̈aj Balaam chi' d'a vin̈aj Balac chi' icha tic: —Canan̈ d'a stz'ey juntzan̈ silab' tic, ol b'at vila' tato sjavi Jehová yic slolon ved'oc, ol lajvoc chi' ol valan d'ayach tas val ol aj yalan d'ayin, xchi vin̈. Ix b'at vin̈ d'a jun nivan vitz malaj ste'al.