Nm 22:9 - Chuj San Mateo Bible

⁹ Ix sch'oxan sb'a Dios d'a vin̈, ix sc'anb'an d'a vin̈ icha tic: —¿Mach juntzan̈ anima ayec' chi' d'ayach? xchi.

Chuj San Sebastian Bible

⁹ Palta ax Dios 'ix sch'ox sb'a 'a Balaam, 'ix sc'anb'n 'a 'ixtic: —¿Mach jun tzo'n̈ winc chi 'ayc' et' cha? xchi.

Nm 22:9 Referans Kwoze

Gn 20:3

Ay jun ac'val, ix lolon Dios d'a vin̈ rey chi' d'a svayich icha tic: Ol ach chamoc, yujto a ix ix, ix ic'cot etb'eyumoc alani, ay yetb'eyum ix, xchi d'a vin̈.

Nm 22:20

Ix sch'oxanpax sb'a Jehová d'a vin̈ d'ac'valil chi', ix yalan d'a vin̈: —Yacb'an to ix jax eb' vin̈ ach yic'b'ati, ixic yed' eb' vin̈, palta an̈ej val tas ol val d'ayach, an̈ej b'at ala', xchi d'a vin̈.

Jn 11:51

A vin̈aj Caifás chi', man̈oc d'a yol yic vin̈ ix yal jun chi', palta yujto sat sacerdote yaj vin̈ d'a jun ab'il chi', yuj chi' a Dios ix ac'an yal vin̈ to ol cham Jesús sq'uexuloc eb' israel smasanil.

Mt 24:24

Yujto ay eb' ol laj yaloch sb'a Cristoal. Ay pax eb' ol yaloch sb'a schecab'oc Dios. Ol laj sch'ox juntzan̈ yechel eb' yed' juntzan̈ milagro, ol laj musaj sat eb' anima yuj eb'. A eb' sic'b'ilxoel yuj Dios, ijan val ol yac' ganar eb' sjuanel spensar eb'.

Mt 7:22

Ato yic ol ja jun c'ual chi', tzijtum eb' ol alan d'ayin: Mamin, Mamin calnac val el a lolonel. Yuj a poder quic'naquel juntzan̈ enemigo d'a eb' anima. An̈ejtona' yuj a poder, tzijtum milagro co ch'oxnac, xcham eb' d'ayin.

Dn 2:45

Aton chi' syalelc'och q'uen q'ueen ix il scot d'a sat vitz to malaj junoc mach ix ecancoti. Aton yuj q'ueen pococxon̈ej ix ajcanb'at q'uen hierro, q'uen bronce, lum luum, q'uen plata yed' q'uen oro. Mamin rey, a Dios te Nivan Yelc'ochi, a' ix ch'oxan d'ayach tas ol ujoc d'a b'aq'uin̈ chi'. A jun a vayich chi' te yel, icha val tz'aj valan tic, icha chi' ol aj yelc'ochi, xchi vin̈aj Daniel d'a vin̈ rey chi'.

Ex 4:2

—¿Tas jun ed'nac chi'? xchi Jehová d'a vin̈. —A te' in c'ococh, xchi vin̈.

Gn 41:25

Ix yalan vin̈aj José chi' icha tic: —Mamin rey, a chab' a vayich chi', junn̈ej tas syalelc'ochi. A Dios ix ac'an a vayichej tas nab'il yuuj.

Gn 31:24

A d'a jun ac'val chi', ix sch'ox sb'a Dios d'a vin̈aj Labán chi' d'a svayich. Ix yalan Dios d'a vin̈ icha tic: Scham val a naani tas ol al d'a vin̈aj Jacob chi'. Man̈ comonoc ol ach lolonoc, xchi d'a vin̈.

Gn 16:8

Ix sc'anb'an d'a ix icha tic: —Ach Agar, scriada ix Sarai, ¿b'ajtil a petoj? ¿b'ajtil tzach b'ati? xchi d'a ix. —To tzin el d'a ix Sarai, ix in patrona, xchi ix.

Gn 4:9

Ix lajvi chi', ix sc'anb'an Jehová d'a vin̈aj Caín chi': —¿B'ajtil ay vin̈ uc'tac aj Abel? xchi d'a vin̈. Axo ix tac'vi vin̈: —Man̈ vojtacoclaj. ¿Tom yilumal vin̈ vaji? xchi vin̈.

Nm 22:8

Ix yalan vin̈aj Balaam chi' d'a eb' icha tic: —A ticnaic, canan̈ec d'a tic, ato syal tas ol yal Jehová d'ayin d'a jun ac'val tic, ichato chi' svac'an spac e lolonel chi' q'uic'an, xchi vin̈. Yuj chi' ix can eb' ichamtac vinac chi' yed' vin̈aj Balaam chi' d'a jun ac'val chi'.

Nm 22:10

Ix tac'vi vin̈: —Checab' yaj eb' yuj vin̈aj Balac sreyal Moab yuninal vin̈aj Zipor, tzul yal eb' d'ayin,