Nm 22:8 - Chuj San Mateo Bible

⁸ Ix yalan vin̈aj Balaam chi' d'a eb' icha tic: —A ticnaic, canan̈ec d'a tic, ato syal tas ol yal Jehová d'ayin d'a jun ac'val tic, ichato chi' svac'an spac e lolonel chi' q'uic'an, xchi vin̈. Yuj chi' ix can eb' ichamtac vinac chi' yed' vin̈aj Balaam chi' d'a jun ac'val chi'.

Chuj San Sebastian Bible

⁸ Ax Balaam cha, 'ix yal 'a eb' 'ixtic: —A ticnec, cann̈ec wet' 'a jun 'ac'wl tic. A 'a tic 'oj e wayi, ax yic 'oj sacb'oc 'el q'uic'an, ax wa'n spac e checnb'il tic, a tzyal tas 'oj yutc Jehová yaln 'ayin, xchi 'a eb'. Yuj cha, 'ix way 'ejm eb' yichm wincal chon̈b' Moab 'a yatut Balaam.

Nm 22:8 Referans Kwoze

Ez 33:31

Icha chi' tz'aj yic'lancot sb'a eb' in chon̈ab' chi', ol javoc eb', ol em c'ojan eb' d'a ichan̈ yab'an tas ol ala'. Palta max sb'eyb'alej eb' tas tzal chi'. Ton̈ej stz'ac yal eb', axo spensar eb', an̈ej chucal ayec' d'ay.

Jeremías 12:2

A ach a b'onac eb', vach'n̈ej sq'uib' eb', icha junoc te te' vach' sb'at sch'an̈al yib', vach' sq'uib'i, syac'an sat, icha chi' yaj eb'. An̈ej yed' sti' eb' syal vach' lolonel d'ayach, axo spensar eb' najat yajeli.

Nm 23:12

Ix tac'vi vin̈aj Balaam chi' icha tic: —Yovalil a tas schec Jehová vala', a svala', xchi vin̈.

Nm 12:6

Ab'ec val tas ol vala': Ayic svac'ancot junoc in checab' d'a e cal, a in tzin ch'ox in b'a d'ay, tzin lolonpax d'a vayichal d'ay.

Nm 22:7

Ix lajvi chi', ix b'at eb' yichamtac vinaquil chon̈ab' Moab yed' eb' yichamtac vinaquil Madián b'aj ayec' vin̈aj Balaam chi'. Te nivan q'uen tumin ix yic'b'at eb' yic stupan scatab' vin̈ chi' eb'. Ix yalan schecnab'il eb' ix yalb'at vin̈aj Balac chi'.

Nm 22:9

Ix sch'oxan sb'a Dios d'a vin̈, ix sc'anb'an d'a vin̈ icha tic: —¿Mach juntzan̈ anima ayec' chi' d'ayach? xchi.

Nm 22:18

Ix tac'vipax vin̈aj Balaam chi' icha tic: —Vach'chom b'ud'jinac yol spalacio vin̈ yuj q'uen oro, ma yuj q'uen plata, syac'an vin̈ smasanil d'ayin, max yal-laj in c'ulan tas scot d'a in pensar in tenanec' tas syal Jehová in Diosal.

Nm 22:38

Ix tac'vi vin̈aj Balaam chi' icha tic: —Man̈ ac' pensar, ayinxo eq'ui, palta max yal-laj valani tastac tzin nib'ej svala', an̈ej tastac schec Dios vala', an̈ej ol vala', xchi vin̈.

Nm 23:3

Ix yalanxi vin̈aj Balaam chi' d'a vin̈aj Balac chi' icha tic: —Canan̈ d'a stz'ey juntzan̈ silab' tic, ol b'at vila' tato sjavi Jehová yic slolon ved'oc, ol lajvoc chi' ol valan d'ayach tas val ol aj yalan d'ayin, xchi vin̈. Ix b'at vin̈ d'a jun nivan vitz malaj ste'al.

Nm 24:13

Vach'chom b'ud'an a palacio yuj q'uen oro, ma yuj q'uen plata, tzac'an q'uen d'ayin, palta max yal-laj in q'uexan tas syal Jehová, max yal-laj vac'an vach'c'olal, ma in catab'an b'aj scot d'a in c'ol in c'ulani, yujto a tas schec Jehová vala', aton yovalil svala'.

A Ch'an̈ B'ab'el Libro Yic Yab'ixal Eb' Rey 13:8

Palta ix tac'vi vin̈ schecab' Dios chi' d'a vin̈ icha tic: —Vach'chom nan̈al tas ay d'ayach tzac' d'ayin, man̈ ol in b'atlaj ed'oc, max yalpax in va'i, ma vuc'an a a' d'a jun lugar tic.

A Ch'an̈ B'ab'el Libro Yic Yab'ixal Eb' Rey 22:14

Ix tac'vi vin̈aj Micaías chi' icha tic: —D'a yichan̈ Jehová sval d'ayach to a tas ol yal Jehová d'ayin, a ol vala', xchi vin̈.