Nm 16:1 - Chuj San Mateo Bible

^1-2 A vin̈aj Coré yuninal vin̈aj Izhar yin̈tilalcan vin̈aj Coat, d'a yin̈tilal Leví yed' oxvan̈xo eb' d'a yin̈tilal Rubén, aton vin̈aj Datán, vin̈aj Abiram yuninal eb' vin̈aj Eliab yed' pax vin̈aj On yuninal vin̈aj Pelet, ix meltzajoch eb' vin̈ ajc'olal d'a vin̈aj Moisés. Ix stec'b'ej sb'a eb' vin̈ smolb'an 250-xo eb' yetisraelal. A eb' vin̈ ix yac'och sb'a chi', yajalil chon̈ab' yaj eb' vin̈, ayoch eb' vin̈ sb'isuloc eb' vin̈ tz'ac'an slajtial junoc lolonel d'a yol chon̈ab' chi'.

Chuj San Sebastian Bible

¹ 'Ay jun win levita yin̈tl can Coat, tzcuch Coré, yunnal jun win tzcuch Izhar, yet' pax 'oxwn̈ xo eb' yin̈tl Rubén, atn Datán yet' Abiram yunnal Eliab eb', yet' pax On win yunnal Pelet.

Nm 16:1 Referans Kwoze

San Judas 1:11

Ob'iltac eb', yujto lajan syutej sb'a eb' icha yutejnac sb'a vin̈aj Caín. Yujn̈ej q'uen tumin schon̈el sb'a eb', icha yutejnac sb'a vin̈aj Balaam. Icha vin̈aj Coré, satnac el vin̈, yujto yac'nac oval vin̈ d'a spatic Dios, icha chi' ol aj satel eb' yuj spitalil.

Dt 11:6

Sco naanpaxcoti tas sc'ulejnac yed' vin̈aj Datán yed' vin̈aj Abiram yuninal vin̈aj Eliab, d'a yin̈tilalcan Rubén. Spojnac sb'a lum luum d'a snan̈al co campamento, mucchajnaccanem eb' yed' masanil yuninal, masanil tas ay d'a eb', smantiado eb', schecab' eb' yed' noc' smolb'etzal noc' eb'. Icha chi' ajnac satel eb' yuj Jehová d'a quichan̈.

Ex 6:21

A eb' yuninal vin̈aj Izhar, aton eb' tic: Vin̈aj Coré, vin̈aj Nefeg yed' vin̈aj Zicri.

Nm 27:3

A vin̈ co mam a on̈ tic, ix cham vin̈ d'a tz'inan luum, palta man̈ locanoclaj vin̈ yed' eb' yic vin̈aj Coré ix meltzajoch ajc'olal d'a Jehová. A vin̈ co mam chi' yujn̈ej smul vin̈ d'a yol yico' ix cham vin̈, malaj junoc yuninal vin̈ ix cani.

Ex 6:18

A vin̈aj Coat chi', 133 ab'il ix ec' vin̈. A sb'i eb' yuninal vin̈, aton tic: Vin̈aj Amram, vin̈aj Izhar, vin̈aj Hebrón yed' vin̈aj Uziel.

Nm 15:41

A in Jehová e Diosal in ix ex viq'uelta d'a Egipto yic tzin och e Diosaloc, yuj chi' sval juntzan̈ tic d'ayex, xchi d'a vin̈aj Moisés chi'.

Salmos 106:16

A d'a yol smantiado eb', chuc tas ix sna eb' d'a spatic vin̈aj Moisés yed' vin̈aj Aarón sic'b'ilel yuj Jehová.

Ex 6:16

A vin̈aj Leví, 137 ab'il ix ec' vin̈. A sb'i eb' yuninal vin̈ d'a stzolal aton eb' tic: Vin̈aj Gersón, vin̈aj Coat yed' vin̈aj Merari.