Nm 1:4 - Chuj San Mateo Bible

⁴ yed' pax junjun yajalil junjun in̈tilal.

Chuj San Sebastian Bible

⁴ yet' pax junjn eb' syajlil junjn 'in̈tal.

Nm 1:4 Referans Kwoze

Nm 1:16

Aton juntzan̈ eb' yajal tic ix sic'chajel d'a scal masanil yin̈tilal Israel.

Ex 18:25

Yuj chi' ix sic'anel eb' te ay spensar vin̈, eb' jelan d'a scal eb' yetchon̈ab', ix yac'anoch yopisio eb' vin̈ d'a yib'an̈ junjun mil anima, d'a yib'an̈ cien, d'a yib'an̈ 50 yed' d'a yib'an̈ lajun̈vaan̈.

Josué 22:14

Ix b'at lajun̈van̈ eb' yajal yaj d'a junjun in̈tilal d'a scal eb' israel yed' vin̈.

Dt 1:15

Icha chi' aj in sic'anel d'a scal junjun eyin̈tilal eb' vin̈ ay spensar, nivan yelc'ochi, vac'anoch yopisio eb' vin̈ yoch eyajaliloc: Ay eb' vin̈ vac'och yajalil d'a mil anima, d'a cien, d'a cincuenta yed' d'a lajun̈van̈, slaj och eb' vin̈ yajalil chi' d'a yin̈tilal.

Nm 25:14

A jun vin̈ ix cham yed' ix aj Madián yuj vin̈aj Finees chi', Zimri sb'i vin̈, yuninal vin̈aj Salu, yajal yaj d'a scal yin̈tilal Simeón.

Nm 25:4

ix yalan d'a vin̈aj Moisés icha tic: —Molb'ej masanil eb' ix cuchb'anb'at eb' anima tic d'a juntzan̈ chucal chi', val d'a vichan̈ yed' d'a yichan̈ eb' etchon̈ab' tza d'un̈b'ejq'ue eb'. Icha chi' ol aj sicb'iem yoval in c'ol d'a chon̈ab' Israel tic, xchi d'a vin̈.

Nm 17:3

A te' yic yin̈tilal Leví, a sb'i vin̈aj Aarón tz'och d'a te', yujto junjun sc'ococh eb' vin̈ yajalil junjun in̈tilal ol cotoc.

Ex 18:21

A jun tas vach' tza c'ulej ticnaic to tza siq'uel jayvan̈oc eb' vin̈ ay xivc'olal d'a Dios, eb' vin̈ jelan spensar, eb' vin̈ tojol spensar, eb' vin̈ man̈ comonoc sc'ananel tumin d'a anima. Tzac'anoch yopisio eb' vin̈ d'a yib'an̈ junjunoc macan̈ anima. Ay eb' vin̈ tzac'och yajaliloc d'a junoc mil anima, ay pax eb' vin̈ tzac'och yajaliloc d'a junoc cien, ay pax eb' vin̈ an̈ej d'a junoc 50 b'aj tzac'ochi, ay pax eb' vin̈ an̈ej d'a lajun̈van̈oc b'aj tzac'ochi.

Nm 30:1

Ix yalan vin̈aj Moisés d'a eb' yajal yaj d'a junjun yin̈tilal Israel icha tic:

A Ch'an̈ B'ab'el Libro Yic Yab'ixal Eb' Rey 8:1

A te' scaxail strato Jehová, ayec' te' d'a schon̈ab' vin̈aj David scuchan Sion. Axo vin̈aj Salomón ix naani to syic'b'at te' vin̈ d'a yol templo yacb'an molanec' masanil eb' anima d'a Jerusalén yuj snaancot q'uin̈ chinama eb' d'a yuquil uj scuchan Etanim. Yuj chi' ix smolb'an masanil eb' yichamtac vinaquil chon̈ab' Israel vin̈, eb' yajal yaj d'a junjun yin̈tilal eb' yed' eb' sat yaj d'a junjun macan̈ eb'.

Nm 1:44

Aton ix aj yelc'och juntzan̈ sb'isul ix yic'chaan̈ vin̈aj Moisés tic, vin̈aj Aarón yed' lajchavan̈xo eb' yajal yaj d'a scal eb' israel d'a junjun in̈tilal.

Nm 4:34

A vin̈aj Moisés, vin̈aj Aarón yed' eb' yajalil chon̈ab', a eb' ix ic'anchaan̈ sb'isul eb' levita smoj val smunlaj d'a scajnub' Jehová b'aj sch'ox sb'a, aton eb' 30 ab'il sq'uinal sc'och d'a 50. Aton eb' tic: Eb' yin̈tilalcan vin̈aj Coat, vin̈aj Gersón yed' vin̈aj Merari. D'a stzolal ix ic'jichaan̈ sb'isul eb' icha ix aj yalan Jehová d'a vin̈aj Moisés chi'. A eb' yin̈tilalcan vin̈aj Coat, icha stzolal, ay 2 mil 750 eb' d'a smasanil. A eb' yin̈tilalcan vin̈aj Gersón, icha stzolal, ay 2 mil 630 eb' d'a smasanil. A eb' yin̈tilalcan vin̈aj Merari, icha stzolal, ay 3 mil 200 eb' d'a smasanil. Axo sb'isul eb' levita chi' ix yic'chan̈ vin̈aj Moisés, vin̈aj Aarón yed' eb' yajal yaji, icha syal stzolal, aton eb' 30 ab'il sq'uinal sc'och d'a 50 to smoj val smunlaj d'a scajnub' Jehová b'aj sch'ox sb'a, ay 8 mil 580 eb' d'a smasanil.

Nm 7:2

A d'a jun c'u chi' a eb' yajal yaj d'a junjun in̈tilal, aton eb' colvajnac yic'anchaan̈ sb'isul eb' vinac,