Nehemías 8:12 - Chuj San Mateo Bible

¹² Ix lajvi chi' ix b'at eb' vael, ix yuc'an a' eb', ix yac'an yic eb' malaj yic eb'. Ix te tzalaj eb', yujto ix cham val yab'an eb' tas ix yal sc'ayb'ub'al eb'.

Chuj San Sebastian Bible

¹² Xlajw cha, x'at smasnil eb' chon̈b' wa'oc, xyu'n eb' tas xyuq'uej, ax eb' may yico', xya'n eb' yic eb'. 'Ix wa eb' 'a tzaljc'ojlal, yujto 'ix nachj 'el yuj eb' tas 'ix 'ajx scuy eb' cha.

Nehemías 8:12 Referans Kwoze

Salmos 119:174

Mamin Jehová, snib'ej val in c'ool to tzin a colo'. Ay in tzalajc'olal d'a a c'ayb'ub'al.

Lc 24:32

Ix yalan eb': —Yel toni, ix och pitz'an d'a co c'ool yuuj a ix yalan d'ayon̈ d'a yol b'e, ayic ix yac'anpax nachajel cuuj tastac tz'ib'ab'ilcan d'a Slolonel Dios, xchi eb'.

Salmos 119:171

Sval vach' lolonel d'ayach, yujto tzin a c'ayb'ej d'a a b'eyb'al.

Salmos 119:130

Ayic tz'alchajel tas syalelc'och a lolonel, icha val saquilq'uinal yaj d'ayon̈. Sc'ayb'aj eb' anima emnaquil yuuj.

Salmos 119:127

Ec'b'al tzin nib'ej a checnab'il d'a yichan̈ q'uen oro te vach',

Salmos 119:111

A a lolonel ix al d'ayin, vicn̈ej yaj d'a masanil tiempo, yujto a' tz'ac'an in tzalajc'olal.

Salmos 119:97

Te xajan a c'ayb'ub'al vuuj. Masanil tiempo tzin naub'tan̈ej.

Salmos 119:72

A a c'ayb'ub'al d'ayin ec'b'al yelc'och d'a yichan̈ q'uen tzijtumal oro yed' q'uen plata.

Salmos 119:16

Ol vac' tzalajb'oc in c'ool yed' a checnab'il tic, man̈ ol b'atcan a lolonel satc'olal vuuj.

Salmos 119:14

Ec'b'al stzalaj in c'ool ayic tzin c'anab'ajan in cachnab'il tzac'a' d'a yichan̈ pax svic'an masanil macan̈il b'eyumal.

Job 23:12

Tzin c'anab'ajejn̈ej schecnab'il yed' sc'ayb'ub'al. Ec'b'alxo yelc'och schecnab'il chi' d'a yichan̈ b'eyumal d'a yol in sat.

Ro 7:18

Vojtac to max yal in c'ulan junoc tas vach' d'a yol vico' yujto chuc in pensar. In gana tzin c'ulej juntzan̈ tas vach', palta max yal-laj vuuj.

Jeremías 15:16

Ayic tzalan a lolonel d'ayin tzin chan̈ej vab'i, an̈ej ayoch in tzalajc'olaloc, yujto ic in Mamin Jehová in Diosal, Yajal ach d'a Smasanil.

Apoc 11:10

Ol laj q'uechaan̈ eb' anima ay d'a yolyib'an̈q'uinal yujto ix cham eb'. Ol laj yac'pax silab' eb' d'a scal anima chi'. Ol te q'uechaan̈ eb' yujto ix ste ab'ej syail eb' yuj eb' chavan̈ ix ec' yalel Slolonel Dios chi'.

Nehemías 8:10

Ix yalanpax vin̈aj Nehemías d'a eb': Ixiquec, b'at vaan̈ec. A vael te vach' tze va'a. Tzeyuc'an ac' vino d'a tzalajc'olal. Tzeyac' yic eb' anima malaj yic b'ob'il yuuj, yujto a jun c'u tic yic Jehová co Diosal yaji. Man̈ ex cusoc, yujto a tzalajc'olal syac' Jehová, a ayoch quipumaloc, xchi vin̈.

Nehemías 8:11

Ix cachjipax eb' anima chi' yuj eb' levita chi' icha tic: Actejec eyoq'ui yujto yic Jehová yaj jun c'u tic, man̈ ex cusoc, xchi eb'.

Nehemías 8:13

Axo d'a junxo c'u, ix smolb'an sb'a eb' yajal yaj d'a junjun macan̈ yin̈tilal, eb' sacerdote yed' juntzan̈xo eb' levita, yic sc'ayb'aj eb' yuj vin̈aj Esdras d'a ch'an̈ ley ac'b'ilcan yuj Jehová d'a vin̈aj Moisés. Ata' ix ilchaj yuj eb' to ayic tz'och q'uin̈ chinama d'a yuquil uj d'a junjun ab'il, tz'aj eb' israel d'a yol chinama chi'.

Ester 9:22

yujto a d'a juntzan̈ c'ual chi' a eb' israel ix satanel eb' yajc'ool. A val d'a jun uj chi', a scusc'olal eb' yed' yoq'uelc'olal, ix meltzajcanoch d'a tzalajc'olal. Yuj chi' a d'a jun c'u chi' ix yac'och q'uin̈ eb' yed' nivac vael, ix laj sian vael eb' d'ay junjun, ix yac'an scolval eb' d'a eb' meb'a'.

1 Cr 29:22

A val d'a jun c'u chi', ix va eb', ix yuc'an a' eb' d'a tzalajc'olal d'a yichan̈ Jehová. Ix yac'anq'ue aceite eb' d'a sjolom vin̈aj Salomón yuninal vin̈aj rey David d'a yichan̈ Jehová d'a schaelal, yic tz'ochcan vin̈ sreyaloc eb'. Ix yac'anpaxq'ue aceite eb' d'a sjolom vin̈aj Sadoc yic tz'ochcan vin̈ sat sacerdoteal.