Nehemías 4:4 - Chuj San Mateo Bible

⁴ Yuj chi' ix in lesalvi icha tic: Mamin, ach co Diosal, tzab' val on̈ sb'uchan eb'. Cotocab'can sb'uchval lolonel eb' chi' d'a yib'an̈. Aocab' eb' yajc'ol eb' tz'ic'anec' tastac ay d'ay. Ic'jocab'b'at eb' d'a junocxo nación.

Chuj San Sebastian Bible

⁴ Xlajw cha, in leslwi 'ixtic: Ach qui Diosal on̈ 'ab' wal sb'uchwj eb' 'ayn̈ on̈. Meltzj cab' can 'at sb'uchwal paxti eb' chi 'a yib'an̈, ax eb' 'ajc'ojol, a cab' eb' tz'i'n can smasnil tastc 'ay 'a sat slum eb', 'ijxcab' can 'at eb' 'icha presoal 'a junc xo nacion̈.

Nehemías 4:4 Referans Kwoze

Salmos 79:12

Mamin Jehová, aq'uec' uqueloc a pac d'a juntzan̈ nación ay d'a co lac'anil, yujto b'uchumtac eb' d'ayach.

Pr 3:34

Sb'uchvaj Jehová d'a eb' b'uchumtac, axo d'a eb' emnaquil syutej sb'a, syac' svach'c'olal.

Os 12:14

Palta a val anima yic Efraín, ix stzuntzejcot yoval sc'ol Jehová eb'. Ix yac' chab'ax sc'ol eb'. Yuj chi' ol yac' Jehová chi' stupel eb' jantac chucal ix sc'ulej, an̈eja' yuj schucal eb' chi' ol em d'a yib'an̈.

A Ch'an̈ B'ab'el Libro Samuel 17:26

Ix sc'anb'an vin̈aj David d'a eb' ayec' d'a stz'ey: —¿Tas tz'ac'ji d'a junoc mach tz'ac'an ganar smilancham vin̈ filisteo chi', yic syactej vin̈ on̈ sb'uchani? ¿Tas yaj jun vin̈ ch'oc chon̈ab'il chi', yuj chi' sb'uchvaj vin̈ d'a eb' soldado yic Dios Pitzan? xchi vin̈.

Nehemías 5:9

Ix valanpaxi: A jun tas van e c'ulan tic man̈ vach'oclaj. Smoj val to tze ch'oxeli to nivan yelc'och co Diosal d'a e sat, yic maxtzac b'uchvaj eb' anima ajc'ol d'ayon̈.

Lm 1:22

Nacot jantac schucal eb'. Utejpax eb' yuj schucal, icha val tzon̈ utej yuj quic tic. Te nivanxo tzon̈ oq'ui, tz'el yip co pixan scab'i, xchi eb' aj Jerusalén chi' d'a Jehová.