Nehemías 3:21 - Chuj San Mateo Bible

²¹ A vin̈aj Meremot yuninal vin̈aj Urías, yixchiquin vin̈aj Cos, a vin̈ ix b'oanxiq'ue junxo macan̈ sb'at d'a spuertail spat vin̈aj Eliasib chi' masanto b'aj slajvic'och spat vin̈ chi'.

Chuj San Sebastian Bible

²¹ A Meromot, yunnal Urías yixchicn Cos, 'ix sb'on muro 'a stojlal spuertail yatut Eliasib masnto tzc'och 'a 'aj tzlajw c'och cha.

Nehemías 3:21 Referans Kwoze

Nehemías 7:63

A eb' yin̈tilal vin̈aj Habaía, eb' yin̈tilal vin̈aj Cos yed' eb' yin̈tilal vin̈aj Barzilai, ix yal eb' to sacerdote eb'. Axo ix sayji ilchaj sb'i eb', maj ilchajlaj b'aj tz'ib'ab'il sb'i eb' chi', yuj chi' maj ochlaj eb' d'a yopisio d'a stemplo Dios. A vin̈aj Barzilai chi' ix yic'laj sb'a vin̈ yed' jun ix yisil vin̈aj Barzilai aj Galaad, yuj chi' a sb'i vin̈ sn̈i' vin̈ chi' ix ochcan d'ay.

Esdras 2:61

A eb' yin̈tilal vin̈aj Habaía, eb' yin̈tilal vin̈aj Cos yed' eb' yin̈tilal vin̈aj Barzilai, ix yal eb' to sacerdote eb', palta malaj b'aj tz'ib'ab'ilcani tato yin̈tilal sacerdote eb'. Yuj chi' maj chajioch eb' d'a opisio d'a sacerdoteal. A vin̈aj Barzilai chi', ix yic'laj sb'a vin̈ yed' jun ix yisil jun vin̈ aj Galaad scuchan Barzilai, yuj chi' a sb'i vin̈ sn̈i' vin̈ chi' ix ochcan d'ay.

1 Cr 4:8

Axo vin̈aj Cos smam vin̈aj Anub yed' vin̈aj Sobeba. D'a yin̈tilal vin̈aj Cos chi' ix cot vin̈aj Aharhel, yuninal vin̈aj Harum.

Esdras 8:33

Axo d'a schan̈il c'ual jun, ix on̈ b'at d'a scajnub' co Diosal yic tz'echtaj q'uen plata yed' q'uen oro yed' jantac yamc'ab' yic scajnub' co Diosal chi'. Ix lajvi chi', ix ac'chaj d'a vin̈ sacerdote scuchan Meremot yuninal vin̈aj Urías. Aypaxec' vin̈aj Eleazar yuninal vin̈aj Finees yed' vin̈ yed' juntzan̈xo eb' vin̈ levita, aton vin̈aj Jozabad yuninal vin̈aj Jesúa yed' vin̈aj Noadías yuninal vin̈aj Binúi.

Nehemías 3:20

Axo vin̈aj Baruc yuninal vin̈aj Zabai, d'a smasanil sc'ool vin̈ ix sb'oxiq'ue junxo macan̈ b'aj scumlaj chi' masanto ix c'och d'a spuertail spat vin̈aj Eliasib, vin̈ sat sacerdote.

Nehemías 3:22

Axo junxo macan̈, a eb' sacerdote cajan d'a sch'olanil a' Jordán ix b'oanxiq'uei.

Nehemías 3:1

A vin̈aj sat sacerdote Eliasib yed' eb' yetsacerdoteal, a eb' ix b'oanxi b'aj tz'och noc' calnel, ix yac'anoch spuertail eb'. Ix sb'oanxiq'ue muro eb', ix b'atn̈ej d'a torre scuch Hamea masanto d'a torre scuch Hananeel, ix yac'ancanoch eb' d'a yol sc'ab' Dios.

Nehemías 3:4

Ix b'on̈ejb'at jun muro chi', a vin̈aj Meremot yuninal vin̈aj Urías yixchiquin vin̈aj Cos ix b'oanxiq'ue junxo macan̈. Axo vin̈aj Mesulam yuninal vin̈aj Berequías, yixchiquin vin̈aj Mesezabeel ix b'oanxiq'ue junxo macan̈. Axo vin̈aj Sadoc yuninal vin̈aj Baana ix b'oanxi junxo macan̈.