Nahúm 3:4 - Chuj San Mateo Bible

⁴ Icha chi' ix aj sjavi yaelal d'a yib'an̈ e chon̈ab', yujto ix ixtaj val juntzan̈xo chon̈ab' yuuj, icha junoc ix ajmul ix smontejoch eb' vin̈ vinac d'a spatic, icha junoc ix ix te vach' yilji te nib'ab'il, icha chi' ix yutej sb'a. A eb' eyajalil, te jelan eb' d'a ajb'aalil yed' d'a montoj chon̈ab' yic syac' yajalil eb' d'a yib'an̈.

Chuj San Sebastian Bible

⁴ 'Ixta 'ix 'aj sjaw 'a yib'n̈ chon̈b' Nínive, yujto caw x'ixtx jun tzo'n̈ xo chon̈b' yu'uj. A wal eb' yajl 'a jun chon̈b' cha, caw jeln eb' 'a 'ajchumal yic tzya'n ganar eb' yoch jun tzo'n̈ xo chon̈b' 'a yaln̈ schecnb'il. Lajn yaj schon̈b' eb' 'icha junc 'ix 'ajmul 'ix tzmontj 'och winc 'a 'a, caw wach' yilxi, caw nib'b'il 'ix, 'ixta jun chon̈b' cha.

Nahúm 3:4 Referans Kwoze

Is 47:9

Vach'chom jantac eb' ajchum yed' eb' ajb'aal, palta man̈xo ol ach coljoc yuj eb' ayic ol ja lemnaj cha macan̈ chi' d'a ib'an̈, aton junixtaquil yed' man̈ uninal. Junn̈ej c'ual ol javoc lemnaj juntzan̈ chi' d'ayach.

Apoc 18:23

Man̈xalaj b'aj ol checlaj yoc junoc lámpara, man̈xa b'aq'uin̈ ol ab'chaj yoch junoc q'uin̈ yic nupnajel. Icha chi' ol utaj jun chon̈ab' chi'. A eb' chon̈vajum d'a yalan̈taxo, te nivan yelc'och eb' d'a yolyib'an̈q'uinal. Ix ac'ji musansatil junjun nación yuj yajchumal jun chon̈ab' chi'.

Apoc 18:9

A eb' nivac yajal d'a yolyib'an̈q'uinal, ix em eb' ajmulal yed' jun ix ix chi'. Locan eb' d'a sb'eyumal. Axo ol yilan eb' sq'ue stab'il stz'ai, ol laj oc' eb'. Ol laj siq'uic'oc eb' yoc' yuj ix.

Is 47:8

Yuj chi' ach chon̈ab' Babilonia, ab' val tas ol vala': Lajan ach icha syutej sb'oan sb'a junoc ix ajmul ix. Te junc'olalxo ajeq'ui, tza naan d'a a pensar to malaj junocxo mach lajan icha ach tic. Tza naani to malaj b'aq'uin̈ ol ach can icha junoc ix ix chamnac yetb'eyum, malaj b'aq'uin̈ pax ol ach can man̈ uninal a naani.

Ez 16:35

Yuj chi', ab'ec val tas sval yuj ix ajmul ix chi':