Mt 21:24 - Chuj San Mateo Bible

²⁴ Yuj chi' ix yalan Jesús chi' d'a eb' vin̈: —An̈ejtona', ol in c'anb'ejpax junoc tas d'ayex. Tato ol eyal d'ayin, ol valpax d'ayex mach ac'jinac vopisio in b'oan juntzan̈ chi'.

Chuj San Sebastian Bible

²⁴ Yuj cha, 'ix yaln pax Jesús 'ixtc 'a ewinac: —An̈jtona', ax tic 'oj in c'anb'c pax junc tas 'ayex; toto 'oj e pac 'ayin, to 'ixta', 'oj wal pax 'ayex mach 'a'jnac wopiso in b'on jun tzo'n̈ cha.

Mt 21:24 Referans Kwoze

Lc 6:9

Ix yalan Jesús d'a eb' smasanil: —Tzin c'anb'ej d'ayex: ¿Tas junoc smoj co c'ulan d'a sc'ual ic'oj ip? ¿Tzam yal co c'ulan juntzan̈ tas vach', mato a juntzan̈ chucal? ¿Tzam yal co colan junoc penaay, mato vach' sco mac'chamoc? xchi d'a eb'.

A Scarta San Pablo D'a Eb' Aj Colosas 4:6

Vach'n̈ej tzeyutej e loloni, tze ch'oxanel e vach'c'olal d'a eb'. Tato icha chi' ol nachajel eyuuj tas ol aj e pacan tas sc'anb'ej junjun eb' d'ayex.

Mt 10:16

Ab'ec, tzex in checb'ati. Icha juntzan̈ noc' calnel sb'at d'a scal noc' oques, icha chi' ol ex ajoc. Yuj chi', lista tzeyutej e b'a icha junoc noc' chan te jelan. Palta te nanam tzeyutej e b'a ichoc noc' paramuch.

Mt 21:23

Ix ochxi Jesús d'a yol yamaq'uil stemplo Dios. Ix sc'ayb'an eb' anima ta'. Axo eb' vin̈ sat sacerdote yed' eb' vin̈ ichamtac vinac d'a scal eb' israel chi', ix c'och eb' vin̈, ix sc'anb'an eb' vin̈ d'ay: —¿Tas elc'ochi, yuj chi' a comon b'oej juntzan̈ chi' evi? ¿Mach val ac'jinac opisio chi'? xchi eb' vin̈.

Mt 21:25

¿Mach ac'jinac yopisio vin̈aj Juan, yic yac'annac bautizar eb' anima vin̈? ¿Am Dios ix ac'ani, mato anima? Alec d'ayin, xchi d'a eb' vin̈. Yuj chi', ix slajtian sb'a eb' vin̈ yuj juntzan̈ ix yal chi'. Ix laj yalanq'ue eb' vin̈: —¿Tas ol cutoc calan d'ay? Tato scala' to a Dios ac'jinac yopisio vin̈, axom ol yalan d'ayon̈: ¿Tas yuj maj eyac'och vin̈ d'a e c'ool jun? xchama.