Mt 20:25 - Chuj San Mateo Bible

²⁵ Yuj chi' ix avtajcot eb' slajchavan̈il yuj Jesús. Ix yalan d'a eb': —Eyojtacxo, a eb' ayoch yajalil d'a junjun nivac chon̈ab', a eb' tz'ac'an mandar. Axo eb' nivac vinac, yajal ton yaj eb' d'a yib'an̈ eb' anima.

Chuj San Sebastian Bible

²⁵ Yuj cha, 'ix yawtn cot Jesús eb' slajchwan̈il, 'ix yaln 'a eb' 'ixtic: —Eyojc xoni, a eb' 'aych yajlil 'a junjn niwc chon̈ab', caw tzyac' mandar eb'. Ax eb' niwc winac, caw yajl yaj eb' 'a yib'n̈ eb' 'anma'.

Mt 20:25 Referans Kwoze

Mr 10:42

Axo Jesús chi' ix avtancot eb' slajchavan̈il, ix yalan d'a eb': —Toxon eyojtac to a eb' ayoch yajalil d'a junjun nivac chon̈ab', syac' mandar eb'. Axo eb' nivac vinac, yajal yaj eb' d'a yib'an̈ eb' anima.

Mt 11:29

Ol vac' junoc icatz e cuch ved'oc. C'ayb'ejec d'ayin, yujto a in tic nanam in, emnaquil in. Tato icha chi', ol eyic' eyip.

Dn 5:19

Yuj opisio ix ac'chaj chi' d'a vin̈, ix xiv masanil anima d'a junjun nación yed' d'a junjun ti'al, yujto nivan yelc'och vin̈ rey chi' d'a yol sat eb'. A mach sgana vin̈ schami, schamn̈ej, axo mach malaj sgana vin̈ schami, max miljichamoc. Ay pax mach ix ic'jiel d'a yopisio yuj vin̈, ay pax mach ix ac'jioch d'a yopisio, ato a' tas snib'ej sc'ool vin̈.

Dn 3:15

A ticnaic jun, tato b'ecan e c'ool, ayic ol eyab'an sq'ue sjaj son chi' junelxo, ol ex och ejmelal d'a yichan̈ jun yechel ix in chec b'ochajq'ue tic, malaj tas ol ex ic'anoc. Tato max e c'anab'ajej eyem cuman ejmelal jun, a val d'a jun rato chi', ol ex yumchajb'at d'a yol jun horno n̈iln̈on sq'ue sc'ac'al. Tato icha chi' ol ex utajoc, ¿machto junoc dios ol yal ex scolanel d'a yol in c'ab'? xchi vin̈.

Mt 20:24

Axo lajun̈van̈xo eb' sc'ayb'um, ayic ix yab'an juntzan̈ chi' eb', ix cot yoval eb' d'a eb' chavan̈ chi'.

A Sb'ab'el Carta San Pedro 5:3

Max yal yajal tzeyutej e b'a d'a eb' ay d'a yol e c'ab'. Palta a e vach' b'eyb'al tze ch'ox yil eb', yic a tas tze b'eyb'alej chi' ol sb'eyb'alej eb'.