Mt 16:14 - Chuj San Mateo Bible

¹⁴ —Ay eb' tz'alani, tob' a ach tic Juan ach, vin̈ ix ac'an bautizar. Ay pax eb' tz'alani tob' Elías ach. Ay pax eb' tz'alani, tob' Jeremías ach, mato junocxo schecab' Dios ec'nac d'a peca', xchi eb' d'ay.

Chuj San Sebastian Bible

¹⁴ —'Ay eb' tzalni tolab' Juan Bautista ach. 'Ay pax eb' tzalni tolab' Elías ach. 'Ay pax eb' tzalni tolab' Jeremías ach, mto junc xo schecb' Dios 'e'nc 'a pecti', xchi eb' 'a 'a.

Mt 16:14 Referans Kwoze

Mr 6:15

Axo juntzan̈xo eb' anima ix alani: —A jun vin̈ chi', aton vin̈aj Elías, xchi eb'. Axo juntzan̈xo eb' ix alani: Aton jun schecab' Dios, icha eb' ay d'a peca', xchi eb'.

Mt 14:2

Yuj chi' ix yalan vin̈ d'a eb' tz'ac'an servil: —A jun vin̈ chi', aton vin̈aj Juan, vin̈ ac'jinac bautizar, ix pitzvixi vin̈ d'a scal eb' chamnac. Yuj chi' ay yopisio vin̈ sb'oan juntzan̈ milagro chi', xchi vin̈.

Malaquías 4:5

Ab'ec, ol in b'ab'laj chequejb'at vin̈ in checab' aj Elías, ayic manto javi jun c'ual yic ol checlaj yoval in c'ool. A jun c'ual chi', te nivan yelc'ochi, ayxo smay ol ujoc.

Jn 9:17

Yuj chi' ix sc'anb'an eb' vin̈ d'a jun vin̈ ix b'o yilan chi': —A achxo tic, ¿tas tzutej a naan yuj vin̈ ix b'oan a sat tic? xchi eb' d'a vin̈. —A in tic tzin na'a to schecab' Dios yaj vin̈, xchi vin̈.

Jn 7:12

Man̈ jantacoc yalub'tan̈an eb' anima. Ay eb' tz'alani: Te vach' vin̈, xchi eb'. Ay pax eb' tz'alanxi: Maay, syac' eb' anima vin̈ musansatil, xchi eb'.

Lc 9:8

Ay juntzan̈xo eb' ix alani: Aton vin̈aj Elías tzul sch'ox sb'a, xchi eb'. An̈ejtona' ay eb' ix alanxi: Aton jun schecab' Dios ec'nac d'a peca' ix pitzvixi d'a scal eb' chamnac, xchi eb'.

Mr 8:28

—Ay eb' tz'alani, tob' a ach tic Juan ach, vin̈ ac'annac bautizar. Ay pax eb' tz'alani tob' Elías ach. Ay pax eb' tz'alani tob' schecab' ach Dios ec'nac d'a peca', xchi eb' sc'ayb'um chi' d'ay.

Mt 17:10

Ix lajvi chi', ix sc'anb'an eb' sc'ayb'um chi' d'ay: —A eb' c'ayb'um d'a ley Moisés, syal eb': A vin̈aj Elías, yovalil ol b'ab'laj javoc, xchi eb'. ¿Tas am yuj syal eb' icha chi'? xchi eb' d'a Jesús.

Jn 1:21

Ix sc'anb'an pax eb' d'a vin̈: —¿Mach ach jun? ¿Mato a ach Elías ach? xchi eb'. —Man̈oc in laj, xchi vin̈. —¿Mato a ach tic schecab' ach Dios tan̈vab'il cuuj? xchi eb'. —Maay, xchi vin̈.

Jeremías 1:1

A in Jeremías in tic, yuninal in vin̈aj Hilcías, yin̈tilal in eb' sacerdote cajan d'a chon̈ab' Anatot d'a yol smacb'en lum Benjamín. Aton d'a jun tic tz'ib'ab'ilcan tas ix yal Jehová d'ayin yic svaleli.

Mt 3:1

A d'a jun tiempoal chi', ay jun vin̈ scuchan Juan ix ac'an bautizar d'a tz'inan luum d'a yol yic Judea. Ata' ix yalel slolonel Dios vin̈ d'a eb' anima ix laj c'och d'ay.

Mt 16:15

—Xal ex tic, ¿mach in e naani? xchi d'a eb'.