Mt 15:25 - Chuj San Mateo Bible

²⁵ Palta ix ec'b'at ix d'a yichan̈ eb'. Ix em cuman ix d'a yichan̈ Jesús. Ix yalan ix d'ay: —Mamin, colvajan̈ d'ayin, xchi ix d'ay.

Chuj San Sebastian Bible

²⁵ Palta x'ec' jun 'ix chi 'a eb', 'ix 'em cumn 'ix 'a yojltac Jesús, xyaln 'ix 'ixtic: —Mamin, caw colwjan̈ 'ayn 'an, xchi 'ix 'a 'a.

Mt 15:25 Referans Kwoze

Mr 9:22

Tzijtumxo el tz'och d'a yol c'ac' yuuj, sb'at d'a yol a', sgana scham yuuj snaani. Palta tato syal a b'oani, oc'oc val a c'ool d'ayon̈, xchi vin̈ d'ay.

Mt 20:31

Palta axo eb' anima ix cachan eb' yic tz'em numan eb'. Palta masn̈ej ix avaj chaan̈ eb': —Mamin, ach Yin̈tilal can vin̈aj David, ¿tom max oc' a c'ool d'ayon̈? xchi eb'.

Mt 14:33

Axo eb' ayec' d'a yol te', ix em cuman eb' d'a yichan̈ Jesús. Ix yalan eb': —Val yel a ach tic, Yuninal ach Dios, xchi eb' d'ay.

Os 12:4

Stelajnac sb'a vin̈ yed' Dios yed' jun ángel, masanto yac'nac ganar jun ángel chi' vin̈. Oc'nac vin̈, sc'anannac svach'c'olal Dios vin̈ d'a yib'an̈. A d'a Betel sch'oxnac sb'a Dios d'a vin̈, lolonnac vin̈ yed' ta'.

Gn 32:26

Ix yalan jun vinac chi' d'a vin̈ icha tic: —Actej in eli yujto vanxo sacb'i, xchi. Ix yalan vin̈aj Jacob d'ay icha tic: —Man̈ ol ach vactejeli, tato man̈ ol alcan junoc vach' lolonel d'a vib'an̈, xchi vin̈.

Mr 9:24

Yuj chi', te chaan̈ ix yal vin̈ smam vin̈ unin chi': —Svac'och d'a in c'ool. Colvajan ved'oc d'a in chab'c'olal, xchi vin̈.

Mt 8:2

Ay jun vin̈ penaay yuj jun yab'il scuch lepra, ix c'och d'a Jesús. Ix em cuman vin̈ d'a yichan̈. Ix yalan vin̈ d'ay: —Mamin, tato syal a c'ool, syal ac'an b'oxoc in c'ool, xchi vin̈ d'ay.

Mt 15:26

—Palta man̈ vach'oc tato stoc'jiec' yooch eb' uninab'il, tz'ac'jib'at d'a noc' yunetac tz'i', xchi Jesús d'a ix.