Mr 8:17 - Chuj San Mateo Bible

¹⁷ Palta yojtac Jesús tas van yalan eb'. Yuj chi', ix yal d'a eb': —¿Tas yuj tzeyala' to malaj ixim e pan? ¿Tom max nachajel eyuuj? ¿Tom man̈ eyojtacoc tas syalelc'och jun tic? Te max in eyac'och d'a e c'ool.

Chuj San Sebastian Bible

¹⁷ Ax Jesús yojtac tas chi wan yaln eb', yuj cha, xyaln pax 'ixtc 'a eb': —¿Tas yuj tzeyala, to may e pan? ¿Tom matz nachj 'el eyu'uj? ¿Tom man̈ eyojcoc tas tzyal 'el'ch jun tic? Caw mant 'a jac e nab'en.

Mr 8:17 Referans Kwoze

Mr 6:52

Vach'chom toxo ix yil jun milagro ix sb'o Jesús eb' yed' ixim pan, palta max nachajel spoder yuj eb', yujto manto yac'och jab'oc spensar eb' d'ay.

Mr 2:8

Axo Jesús yojtacxo tas sna eb' vin̈. Yuj chi' ix yalan d'a eb' vin̈: —¿Tas yuj van e naan juntzan̈ chi'?

Is 63:17

Mamin ¿tas yuj tzon̈ ic'canel d'a yol a b'e, tzac'an pitb'oquel co pensar yic man̈xa elc'och d'ayon̈? Ac'xi a vach'c'olal d'ayon̈ a checab' on̈ tic, a on̈ yin̈tilal on̈ can eb' a chon̈ab' to icn̈ej yaji.

Mr 3:5

Ix ec' q'ueleloc Jesús d'a eb', ix cot yoval. Ix te cusq'uei yujto te pit eb'. Ix yalan d'a vin̈: —Aq'uel lian a c'ab' chi', xchi. Ix yac'anel lian vin̈. Icha chi' ix aj sb'oxicani.

Apoc 2:23

An̈ejtona' ol vac'pax miljoccham eb' yune' ix. Icha chi' ol aj in yojtacanel eb' creyente d'a junjun iglesia to a in tic vojtac masanil tas ay d'a spensar eb' yed' tastac sna eb'. Ol yojtaquejpaxel eb' to a in tic ol vac' spac d'ayex junjun ex ato syala' tas tze c'ulej.

Jn 21:17

Ix yalanxi d'a yoxelal: —Ach Simón yuninal vin̈aj Jonás, ¿tzam in a xajanej? xchi d'a vin̈. Yuj chi' ix te cusq'ue vin̈aj Pedro chi', yujto yoxelalxo sc'anb'an Jesús chi' d'a vin̈ tato xajan yuj vin̈. Yuj chi' ix yalanxi vin̈: —Mamin, ojtacxo smasanil, ojtac to xajan ach vuuj, xchi vin̈ d'ay. —Tato icha chi', icha junoc tan̈vum calnel syac' va noc' scalnel, icha chi' tzutej a c'ayb'an eb' vicxo.

Jn 16:30

A ticnaic, snachajel cuuj to ojtacn̈ej masanil tasi. Man̈ yovaliloc tzato co c'anb'ej d'ayach ayic tzalan d'ayon̈. Yuj chi' scac'och d'a co c'ool to a d'a Dios cotnac ach, xchi eb' d'ay.

Lc 24:25

Axo Jesús ix alan d'a eb': —A ex tic malaj jab'oc e pensar, max e b'alaj aq'uejochlaj d'a e c'ool tastac yalnaccan eb' schecab' Dios d'a peca'.

Mr 16:14

Axo junelxo, ayic van sva eb' sc'ayb'um yuxluchvan̈il, ix sch'oxan sb'a Jesús d'a eb'. Ix tumaj eb' yuuj, yujto chab'c'olal yaj eb', pit eb'. Yujto maj scha yab' eb' d'a eb' ix ilani ayic toxo ix pitzvixi.

Mt 15:17

¿Tom man̈ eyojtacoc? A tas scac'och d'a co ti', a d'a yol co c'ool tz'emc'ochi, axo d'a junxo rato, tz'elxicani.

Mt 12:15

Ayic ix snaanel Jesús tas sgana eb' syutej, ix sb'esanel sb'a ta'. Tzijtum anima ix b'at yed'oc. Masanil eb' penaay, ix laj b'oxican sc'ool eb' yuuj.

Mt 16:7

Yuj chi' ix yalub'tan̈an eb' yuj juntzan̈ ix yal chi'. —Syal icha chi', yujto maj quic'cotlaj ixim co pan, xchi eb'.

Mr 8:16

Axo eb' sc'ayb'um chi', ix laj yalan eb' yuj tas ix yala': —Syal icha tic, yujto malaj ixim co pan qued'nac, xchi eb'.