Mr 7:28 - Chuj San Mateo Bible

²⁸ Palta axo ix tac'vi ix d'ay: —Yel ton Mamin, palta a noc' yunetac tz'i' chi' sic'anq'uechaan̈ sc'ajil yooch eb' unin d'a yalan̈ mexa, xchi ix d'ay.

Chuj San Sebastian Bible

²⁸ Palta xta'w 'ix 'ixtc 'a 'a; —Yel ton Mamin, palta a no cotc tz'i', tzsic' chan̈ no sc'ajl yoch eb' 'unnab'il tz'ejm 'a yaln̈ mexa, xchi 'ix 'a 'a.

Mr 7:28 Referans Kwoze

Ro 10:12

A eb' israel yed' eb' man̈ israeloc, lajann̈ej eb' smasanil d'a yichan̈ Dios. Yujto a Dios Cajal, Yajal yaj d'a quib'an̈ co masanil. Yaln̈ej mach on̈ scal co b'a d'ay, nivan svach'c'olal syac' d'ayon̈.

Ro 3:29

A Dios, ¿tocval an̈ej eb' vetisraelal ay yico'? Maay, sDiosal pax eb' man̈ israeloc. Co Diosal ton yaj co masanil.

Is 45:22

Jantac ex cajan ex b'aj slajvic'och lum luum tic, ojtaquejec in eli, ol ex in colo', yujto A inn̈ej Dios in, malaj junocxo.

Is 49:6

Ix yalan Jehová d'ayin icha tic: In checab' ach yic tza tojolb'itanxi eb' yin̈tilal Jacob, tzic'anxi meltzaj eb' israel cannacto tic d'ayin. Palta man̈ocn̈ej yuj chi' ix ach in sic'caneli, palta yic tzach vac'och saquilq'uinalil d'a juntzan̈xo nación masanto b'aj slajvic'och yolyib'an̈q'uinal, yic scolchaj eb' vuuj, xchi d'ayin, xchi jun schecab' chi'.

Salmos 145:16

Elb'enn̈ej tas uuj d'a smasanil a c'ool, tzac'an svael masanil tas pitzan.

Ef 3:8

Jantacn̈ej eb' yicxo Dios ved'oc, yelxo val ec'al yelc'och eb' d'a vichan̈. Palta yuj svach'c'olal Dios yac'nac vopisio tic. Yuj chi', ec'nac in valel d'a e cal a ex man̈ ex israeloc to te nivan svach'il Cristo.

Mt 5:45

Icha chi' tzeyutej e ch'oxanel e b'a to yel yuninal ex co Mam ay d'a satchaan̈, yujto a tz'ac'anemta yoc c'u d'a yib'an̈ eb' chuc yed' d'a yib'an̈ eb' vach'. An̈ejtona', syac'anpax emta n̈ab' d'a yib'an̈ eb' man̈ tojoloc spensar yed' d'a yib'an̈ eb' tojol spensar.

Mt 15:27

Palta ix tac'vi ix d'ay: —Yel ton Mamin, palta a noc' yunetac tz'i' chi' sic'anq'ue sc'ajil yooch eb' uninab'il d'a yalan̈ smexa vin̈ aj pat, xchi ix d'ay.

Mr 7:27

Axo ix yalan d'a ix: —B'ab'laj vaocab'can eb' unin. Man̈ vach'oc tato stoc'jiec' svael eb', tz'ac'jib'at d'a noc' yunetac tz'i', xchi.

Mr 7:29

Yuj chi', ix yalanxi Jesús d'a ix: —A jun ix al tic d'ayin, te vach'. Syalxo a pax d'a a pat, yujto toxo ix el jun enemigo chi' d'a ix une' chi', xchi d'a ix.