Mr 6:51 - Chuj San Mateo Bible

⁵¹ Ix lajvi chi', ix och d'a yol te' barco chi' yed' eb'. Ix och vaan jun ic' chi' yuuj. Yuj chi', ix te sat sc'ool eb'.

Chuj San Sebastian Bible

⁵¹ Xlajw cha, x'och 'a yojl te barco chi yet' eb', 'ix 'och wan jun 'ic' chi yu'uj. Yuj cha, caw wal 'ix sat sc'ojl eb' yuj si'mb'il.

Mr 6:51 Referans Kwoze

Mr 4:39

Yuj chi' ix q'ue vaan, ix cachji jun ic' chi' yuuj yed' a' n̈ajab' chi': —Ochan̈ vaan. Numan tzach aji, xchi. Ichato chi' b'ian, ix och vaan jun ic' chi', ix numc'aji.

Jn 6:21

Ichato chi' junc'olalxo ix chajioch yuj eb' d'a yol te' barco chi'. Elan̈chamel ix ec'c'och eb' d'a sc'axepal a' b'aj van sc'och eb' chi'.

Mr 7:37

Ix te sat sc'ool eb'. Ix laj yalan eb': —Masanil tas sc'ulej, vach'n̈ej. Sjacvi schiquin eb' chacan̈. Slolonpax eb' max uji taxon sloloni, xchi eb'.

Mr 6:32

Axo Jesús, ix och d'a yol jun te' barco yed' eb' sc'ayb'um. Sch'ocoj eb' ix b'at b'aj malaj anima.

Mr 5:42

D'a jun rato chi', ix q'ue van ix, ix b'ey ix. Slajchavilxo ab'il ix. Axo eb' anima ayec' ta', ix te sat sc'ool eb'.

Mr 4:41

Axo eb', ton̈ej ix te sat sc'ool eb' yuuj. Ix laj yalan eb': —¿Tas yaj jun vin̈ tic? Ina sc'anab'ajax vin̈ yuj ic' yed' a' n̈ajab' tic, xchi eb'.

Mr 2:12

D'a jun rato chi', ix q'ue vaan vin̈. Ix yic'anchaan̈ svaynub' vin̈ chi'. Q'uelanoch eb', ix pax vin̈. Yuj chi' ix te sat sc'ol eb' smasanil. Ix laj yalan vach' lolonel eb' d'a Dios. —Malaj b'aj squiltaxon jun tic, xchi eb'.

Mr 1:27

Ix te sat sc'ool eb' anima smasanil yilani. Yuj chi', ix laj yalanq'ue eb': —¿Tas yaj jun vin̈ tic? ¿Tas c'ayb'ub'al jun vin̈ sjavi tic? A vin̈ tic, ay spoder vin̈ scachan eb' enemigo. Ina ticnaic, sc'anab'ajax vin̈ yuj eb', xchi eb' anima chi'.

Mt 8:10

Axo ix yab'an juntzan̈ chi' Jesús, ix sat sc'ool yab'ani. Yuj chi' ix yalan d'a eb' ajun yed'oc: —Val yel sval d'ayex, manta junoc eb' quetisraelal svil yac'anoch sc'ool d'a Dios icha jun vin̈ tic.