Mr 6:15 - Chuj San Mateo Bible

¹⁵ Axo juntzan̈xo eb' anima ix alani: —A jun vin̈ chi', aton vin̈aj Elías, xchi eb'. Axo juntzan̈xo eb' ix alani: Aton jun schecab' Dios, icha eb' ay d'a peca', xchi eb'.

Chuj San Sebastian Bible

¹⁵ 'Ay jun tzo'n̈ xo eb' 'anma 'ix aln 'ixtic: —A jun cha, atn Elías, xchi eb'. Ax jun tzo'n̈ xo eb'. —Atn junc schecb' Dios, 'icha eb' schecb' Dios pecti', xchi eb'.

Mr 6:15 Referans Kwoze

Mt 21:11

Axo eb' n̈ilanec' yed' Jesús ix alani: —Aton Jesús, aj Nazaret yic Galilea. Aton jun tic schecab' Dios, xchi eb'.

Mr 8:28

—Ay eb' tz'alani, tob' a ach tic Juan ach, vin̈ ac'annac bautizar. Ay pax eb' tz'alani tob' Elías ach. Ay pax eb' tz'alani tob' schecab' ach Dios ec'nac d'a peca', xchi eb' sc'ayb'um chi' d'ay.

Mt 16:14

—Ay eb' tz'alani, tob' a ach tic Juan ach, vin̈ ix ac'an bautizar. Ay pax eb' tz'alani tob' Elías ach. Ay pax eb' tz'alani, tob' Jeremías ach, mato junocxo schecab' Dios ec'nac d'a peca', xchi eb' d'ay.

Malaquías 4:5

Ab'ec, ol in b'ab'laj chequejb'at vin̈ in checab' aj Elías, ayic manto javi jun c'ual yic ol checlaj yoval in c'ool. A jun c'ual chi', te nivan yelc'ochi, ayxo smay ol ujoc.

Jn 9:17

Yuj chi' ix sc'anb'an eb' vin̈ d'a jun vin̈ ix b'o yilan chi': —A achxo tic, ¿tas tzutej a naan yuj vin̈ ix b'oan a sat tic? xchi eb' d'a vin̈. —A in tic tzin na'a to schecab' Dios yaj vin̈, xchi vin̈.

Jn 7:40

Ix lajvi yab'an eb' anima tas ix yal Jesús chi', ay eb' ix laj alani: —Val yel, aton jun tic schecab' Dios tan̈vab'iltaxon sja cuuj, xchi eb'.

Jn 6:14

A eb' anima chi', ix yil eb' jun tas satub'tac ix sch'ox Jesús chi'. Yuj chi' ix yal eb': —Aton jun tic, schecab' Dios tan̈vab'iltaxon sja d'a yolyib'an̈q'uinal tic, xchi eb'.

Jn 1:25

Ix sc'anb'an pax eb' d'a vin̈: —¿Tas yuj tzac' bautizar eb' anima tato man̈ ach Cristooc, tato man̈ ach Elíasoc, tato man̈oc ach schecab' Dios tan̈vab'il cuuj? xchi eb' d'a vin̈.

Jn 1:21

Ix sc'anb'an pax eb' d'a vin̈: —¿Mach ach jun? ¿Mato a ach Elías ach? xchi eb'. —Man̈oc in laj, xchi vin̈. —¿Mato a ach tic schecab' ach Dios tan̈vab'il cuuj? xchi eb'. —Maay, xchi vin̈.

Lc 9:19

—Ay eb' tz'alani to a ach Juan ach, vin̈ ac'jinac bautizar. Ay pax eb' tz'alani to Elías ach. An̈ejtona' ay eb' tz'alanpaxi to a ach junoc schecab' Dios ec'nac d'a peca' pitzvinacxi, xchi eb' sc'ayb'um chi'.

Lc 9:8

Ay juntzan̈xo eb' ix alani: Aton vin̈aj Elías tzul sch'ox sb'a, xchi eb'. An̈ejtona' ay eb' ix alanxi: Aton jun schecab' Dios ec'nac d'a peca' ix pitzvixi d'a scal eb' chamnac, xchi eb'.

Lc 7:39

Axo ix yilan vin̈ fariseo chi', ix snaan vin̈: Tato yel schecab' Dios jun vin̈ tic, tzam nachajel yuj vin̈ to a jun ix ix van syaman yoc vin̈ tic, ajmul ix ix, xchi vin̈ d'a spensar.

Lc 7:16

Ayic ix yilan jun chi' eb', ix xivq'ue eb', ix och ijan eb' yalan vach' lolonel d'a Dios, ix yalan eb': —Ay jun schecab' Dios ix checlaj d'a co cal tic, te nivan yelc'ochi, xchi eb'. Ix yalanpax eb': —Ix ja Dios on̈ scol a on̈ schon̈ab' on̈ tic, xchi eb'.

Lc 1:17

A vin̈aj Juan chi' ol b'ab'laj d'a yichan̈ Cajalil. Icha sc'ulejnac vin̈aj Elías d'a peca', icha chi' ol yutej sb'a vin̈. Lajan ol aj pax spoder vin̈ yed' vin̈aj Elías chi'. A vin̈ ol cachan eb' mamab'il yed' eb' uninab'il yic slajvi oval d'a scal eb'. A eb' spitej sb'a d'a Dios, yuj vin̈ ol q'uexmaj spensar eb' yic ol sc'anab'ajej eb'. Icha chi' ol yutoc sb'oan sb'a eb' anima, yic listaxo yaj eb' ayic ol javoc Cajalil, xchi jun ángel chi'.

Mr 6:16

Palta axo vin̈aj rey Herodes chi', ayic ix yab'an juntzan̈ chi' vin̈, ix yalan vin̈: —A jun vin̈ syal eb' chi', aton vin̈aj Juan. Aton vin̈ ix viq'uel sjolom. A vin̈ ix pitzvixi d'a scal eb' chamnac, xchi vin̈.