Mr 5:35 - Chuj San Mateo Bible

³⁵ Ayic van yalan Jesús, ay juntzan̈ eb' vin̈ ix cot d'a spat vin̈ yajal yaj d'a spatil culto chi'. Ix yalan eb' vin̈ d'a vin̈aj Jairo chi': —A jun ix isil chi', toxo ix cham ix. Nab'axon̈ej tza tzuntzej co C'ayb'umal tic yic b'at yilani, xchi eb' vin̈ d'a vin̈.

Chuj San Sebastian Bible

³⁵ Yic wanto yaln Jesús jun tzo'n̈ cha, 'ay jun tzo'n̈ eb' xcot 'a yatut win Jairo cha, 'ix yaln eb' 'a win 'ixtic: —A jun esl cha, tox 'ix chami, nab'a xoj tz'at yixtc sb'a qui Cuymal 'at yilnoc, xchi eb' 'a winac.

Mr 5:35 Referans Kwoze

Lc 8:49

Vanto yalan d'a ix, ix c'och jun spetoj d'a spat vin̈aj Jairo chi', ix yalani: —A ix isil chi' toxo ix cham ix. ¿Tasto yuj tza tzuntzej vin̈ co c'ayb'umal tic? xchi vin̈.

Jn 11:39

—Iq'uequel q'uen smacul tic, xchi Jesús. Axo ix Marta ix alan d'ay: —Mamin, oxjitax cham vin̈, ayxomlaj sjab' vin̈ ticnaic, xchi ix.

Jn 11:28

Ix lajvi yalan jun chi' ix Marta chi', ix pax ix. Ix b'at ix yavtejcot ix María ix snulej chi'. Ix sajanoch ix d'a schiquin ix d'a elc'altac: —Ix ja co C'ayb'umal, tzach yavtej, xchi ix.

Jn 5:25

Val yel sval d'ayex, a ticnaic toxo ix ja stiempoal yab'an in jaj eb' chamnac a in Yuninal in Dios tic. A eb' tz'ab'ani, ol scha sq'uinal eb' d'a juneln̈ej.

Mr 10:17

Axo yic van sb'atxi Jesús d'a yol b'e, ay jun vin̈ ix spil yip scot d'ay. Ix em cumnaj vin̈ d'a yichan̈ sc'ochi. Ix yalan vin̈ d'ay: —Ach in vach' C'ayb'umal, tzin c'anb'ej d'ayach, ¿tas ol vutoc in chaan in q'uinal d'a juneln̈ej? xchi vin̈ d'ay.

Mr 5:22

Ix c'och jun vin̈ yajal yaj d'a spatil culto, scuch Jairo. Ayic ix yilan Jesús vin̈, ix em cuman vin̈ d'a yichan̈.

Jn 11:32

Ayic ix c'och ix b'aj aycan Jesús chi', ix em cumnaj ix d'a yichan̈, ix yalan ix d'ay: —Mamin, ayocach ec'laj d'a tic a ix cham vin̈ in nulej chi', tecan maj chamlaj vin̈, xchi ix.

Jn 11:25

—A in tic, svac' pitzvocxi eb' chamnac, aj q'uinal in. A mach tzin ac'anoch d'a sc'ool, vach'chom ol chamoc, palta ol pitzvocxi.

Jn 11:21

Ix yalan ix Marta chi' d'a Jesús icha tic: —Mamin, ayocach ec'laj d'a tic ayic ix cham vin̈ in nulej chi', tecan maj chamlaj vin̈.

Mt 26:18

—Ixiquec d'a chon̈ab'. Ay jun vin̈ b'aj ol ex c'och d'a spat. Icha tic ol eyal d'a vin̈: Xchicot co C'ayb'umal to quenxon̈ej tiempo ayeq'ui. Yuj chi' syala' to d'a a pat tic ol va qued' a on̈ sc'ayb'um on̈ tic, yic sco nacot yed'oc tas aj yelnaccot eb' co mam quicham d'a Egipto, xchi. Icha chi' tzeyutej eyalan d'a vin̈, xchi Jesús d'a eb'.

Mt 9:18

Ayic van yalan juntzan̈ chi' Jesús, ix c'och jun vin̈ sat yaj d'a spatil sculto eb', ix em cuman vin̈ d'a yichan̈ Jesús, ix yalan vin̈: —A jun ix visil, toxomlaj ix cham ix naic. Palta con̈ ved'oc. In gana b'at aq'uec' a c'ab' d'a yib'an̈ ix, yic ol pitzvocxi ix, xchi vin̈.

Mt 26:10

Axo ix yab'an juntzan̈ chi' Jesús, ix yalan d'a eb': —¿Tas yuj tze tzuntzej ix? A jun sc'ulej ix tic d'ayin, vach' toni.