Mr 3:23 - Chuj San Mateo Bible

²³ Axo Jesús ix avtancot eb' vin̈, ix yalan d'a eb' vin̈: —A vin̈ Satanás chi', ¿tas ol yutoc vin̈ spechanel eb' yetenemigoal?

Chuj San Sebastian Bible

²³ 'Ix yawtn cot Jesús ewinac, 'ix yaln jun tzo'n̈ 'ab'x 'ixtc 'a eb': A win Satanás cha, ¿tast wal 'oj yutc win spechn 'el ewin yit demonioal cha?

Mr 3:23 Referans Kwoze

Mt 13:34

Ayic ix yalanel Jesús d'a scal eb' anima chi', an̈ej juntzan̈ ab'ix ajaltac snachajeli, a ix yal d'a eb'. An̈ej juntzan̈ ab'ix chi' ix yac'lab'ej ayic ix yalanel d'a eb'.

Mr 4:2

Tzijtum tas ix yac' sc'ayb'ej eb'. Ix yalan juntzan̈ ab'ix d'a eb'. Xchi icha tic:

Mt 4:10

Palta ix yalan Jesús d'a vin̈: —Ach Satanás, elan̈ d'a in tz'ey. Yujto icha tic syal d'a Slolonel Dios Tz'ib'ab'ilcani: A d'ayin tzeyal e b'a, yujto e Yajal in, e Diosal in. A inn̈ej tzin eyac' servil, xchi Dios, xchi Jesús chi'.

Salmos 49:4

Ol in maclej val vab' slolonel eb' jelan. Ol in b'itej tas ix in c'ayb'ej chi' yed' sonal te' arpa.

Mt 13:3

Tzijtum juntzan̈ ab'ix ix yal d'a eb'. Ix yalan icha tic: —Ay jun vin̈ ix b'at tzicojcanb'at in̈at trigo.

Mr 3:24

Q'uinaloc ay junoc nivan chon̈ab' b'aj slaj spoj sb'a eb' yajal, slaj yac'an oval eb'. Tato icha chi', d'a jun rato sjuviel jun chon̈ab' chi'.

Mr 4:11

Yuj chi', ix yalan d'a eb': —An̈ej d'ayex sch'ox Dios juntzan̈ tas manta mach ojtannac, yic vach' snachajel eyuuj chajtil tz'aj eyoch d'a yol sc'ab'. Palta axo d'a eb' anima smasanil, an̈ej juntzan̈ ab'ix sch'oxanel c'ayb'ub'al svala',

Mr 12:1

Axo Jesús ix och ijan yalan jun ab'ix. Ix yalan icha tic: —Ay jun vin̈ ix avan juntzan̈ te' uva d'a sat sluum. Ix smacan vin̈ yed' q'uen tz'alq'ueen. Ix sb'oan jun yed'tal b'aj stec'chajel yal te' uva chi' vin̈. Ix sb'oanpaxq'ue jun b'aj tz'aj eb' stan̈van te' uva chi' vin̈, chaan̈ ix ajq'uei. Ix lajvi chi', ix yac'anb'at sluum vin̈ chi' majanil yed' te' uva chi' d'a juntzan̈ eb' vin̈ munlajvum. Ix b'atcan vin̈ d'a junxo lugar najat.