Mr 10:52 - Chuj San Mateo Bible

⁵² Ix ach b'oxi yujto ix ac'och Dios d'a a c'ool. Yuj chi', syalxo a pax ticnaic, xchi Jesús d'a vin̈. D'a jun rato chi' ix yilxi vin̈. Ix lajvi chi', ix och tzac'an vin̈ yed' Jesús b'aj van sb'ati.

Chuj San Sebastian Bible

⁵² —A 'a sat tic, tox 'ix jacwi, yujto xa'ch a c'ojl 'a Dios, yuj cha, tztac' tzach pax ticnec, xchi 'a winac. Yajn̈j wal cha, sjacw sat win yu'uj, xlajw cha, x'at win yet' Jesús 'a 'aj tz'ati.

Mr 10:52 Referans Kwoze

Mt 9:22

Yuj chi' ix meltzajb'at q'uelan Jesús d'a ix, ix yalan d'a ix: —Ach ix, tec'tec' tzutej a b'a. Tzach b'oxican vuuj, yujto in ac'och d'a a c'ool, xchi d'a ix. D'a jun rato chi' ix b'oxican ix.

Lc 7:50

Axo Jesús ix alan d'a ix: —Ach colchaji yujto in ac'och d'a a c'ool. Yuj chi' junc'olal tzach paxi, xchi d'a ix.

Mr 8:25

Axo Jesús ix sucanxiec' sc'ab' d'a yib'an̈ sat vin̈. Ichato chi', ix vach' jacvi yol sat vin̈ chi'. Te vach'xo ix aj yilan vin̈.

Mr 5:34

Yuj chi' ix yal Jesús chi' d'a ix: —Ach ix, yujto in ac'och d'a a c'ool, yuj chi' ach b'oxi. Paxan̈ d'a tzalajc'olal. Tic ach b'oxi d'a jun a yaelal tic, xchi d'a ix.

Jn 9:32

Manta b'aj scab' sb'o sat junoc max yaltaxon yilani.

Mt 15:28

Yuj chi' ix yalanxi d'a ix: —A ach tic, svila' tzac' val och Dios d'a a c'ool. Yuj chi', b'oocab' icha tas tza nib'ej chi', xchi d'a ix. A d'a jun rato chi', ix b'oxican sc'ool ix yune' ix chi'.

A Tas Sc'ulejnac Eb' Schecab' Jesús Hechos 26:18

Tzach in checb'at d'a eb' yic vach' ol javoc spensar eb', yic syactejcan jun sb'eyb'al eb' yic q'uic'alq'uinal, axo yoch eb' d'a jun saquilq'uinal yic Dios. Ol elcan eb' d'a yol sc'ab' vin̈ diablo, axo d'a yol sc'ab' Dios ol ochcan eb'. Ol in yac'och eb' d'a sc'ool yic vach' ol ac'joccan lajvoc smul eb'. Ichato chi' ol och eb' yetb'eyumoc eb' ayxo och yicoc Dios, yujn̈ej in yac'anoch eb' d'a sc'ool, xchi Jesús d'ayin.

Mr 1:31

Ichato chi' ix c'och d'a stz'ey ix. Ix syaman sc'ab' ix, ix yic'anq'ue vaan ix. Val d'a jun rato chi' ix b'oxi sc'ol ix yuj jun c'ac'al yab'il chi', ix och ijan ix sc'atc'ancot eb'.

Mt 21:14

Ayic ayec' d'a yamaq'uil stemplo Dios chi', ay juntzan̈ eb' max uji yilan ix c'och d'ay yed' juntzan̈ eb' max yal sb'eyi. Ix b'oxican eb' yuuj.

Mt 12:22

Ay jun vin̈ ix ic'jib'at d'a Jesús. Max ujilaj yilan vin̈, max yalpaxlaj slolon vin̈, yujto ixtab'il vin̈ yuj jun enemigo. Axo Jesús ix ac'an b'oxoc sc'ool vin̈. Yuj chi' ix yilxi vin̈, ix lolonxi vin̈.

Jn 9:39

Ix yalanxi Jesús d'a vin̈: —Yuj sb'o eb' anima vuuj in ja d'a yolyib'an̈q'uinal tic, yujto ay eb' max yal-laj yilan yic Dios ticnaic, palta vuuj ichato ol jacvoc sat eb'. Ay pax nan̈alxo eb' ichato syal yilan yic Dios snaani, palta a eb' chi', vuuj ichato ol juvocb'at sat eb', xchi Jesús.

Mt 11:5

Tzeyal d'a vin̈ to a eb' max ujilaj yilani, tzaxo yal yilan eb'. A eb' max uji sb'eyi, tzaxo yal sb'ey eb'. A eb' slaj c'a yuj lepra, slaj b'oxican sc'ool eb'. A eb' max uji yab'ani, tzaxo yab' eb', yed' eb' chamnac, ay eb' van spitzvixi. Axo eb' meb'a', van yalji vach' ab'ix yic colnab'il d'a eb'.

Is 35:5

Ichato chi' b'ian, a eb' max uji yilani ol yil eb', axo eb' max ab'ani ol yab' eb'.

Salmos 146:8

A Jehová sjacan sat eb' max ujilaj yilani, squetzan q'ue vaan eb' stelvi. Xajan eb' anima vach' spensar yuuj.

Salmos 33:9

Yujto a' ix alani, ix b'o smasanil. A' ix alani, vach' ix ajcan masanil tas.

Lc 9:48

Ix yalan d'a eb' sc'ayb'um chi': —A mach schaan jun unin tic, yujto vico', a in tzin scha'a. A mach tzin chaani, a jun checjinac in coti, a scha'a. A junoc mach malaj yelc'och d'a e cal, a jun chi' te nivan yelc'ochi, xchi Jesús d'a eb'.

Mt 8:3

Yuj chi', ix maslaj vin̈ yuj Jesús. —In gana tzach in b'oxicani, xchi d'a vin̈. D'a val jun rato chi' ix b'oxican vin̈ yuj jun yab'il chi'.