Mr 10:49 - Chuj San Mateo Bible

⁴⁹ Yuj chi' ix och vaan Jesús, ix yalani: —Avtejeccot vin̈ d'ayin, xchi. Yuj chi', ix b'at eb' yal d'a vin̈: —Tzalajan̈. Q'uean̈ vaan, yujto tzach yavtejb'at Jesús, xchi eb'.

Chuj San Sebastian Bible

⁴⁹ Yuj cha, 'ix 'och wan Jesús, 'ix yaln 'ixtc 'a eb': —'Awtjec cot win 'ayin, xchi. Yuj cha, x'at yalnc eb' 'ixtc 'a winac: —Tzaljan̈, q'uen̈ wa'an, yujto tzach yawtj 'at Jesús, xchi eb'.

Mr 10:49 Referans Kwoze

Lc 18:40

Yuj chi', ix och tec'naj Jesús chi', ix schecan ic'joccot vin̈. Axo yic ix ja vin̈ d'a slac'anil, ix sc'anb'an d'a vin̈:

Jn 11:28

Ix lajvi yalan jun chi' ix Marta chi', ix pax ix. Ix b'at ix yavtejcot ix María ix snulej chi'. Ix sajanoch ix d'a schiquin ix d'a elc'altac: —Ix ja co C'ayb'umal, tzach yavtej, xchi ix.

A Ch'an̈ Carta D'a Eb' Hebreo 2:17

Yuj chi', yovalil lajan ix aj qued'oc a on̈ yuc'tac on̈ tic, yic vach' tz'oc' sc'ool d'ayon̈, yic pax sc'anab'ajej yopisio d'a Sat Sacerdoteal d'a yichan̈ Dios, yic a' stupanel co mul.

Salmos 145:8

Mamin Jehová, te nivan ton a vach'c'olal, ay pax oq'uelc'olal, man̈ elan̈chameloc scot oval, tz'oc'n̈ej a c'ool d'ayon̈.

Salmos 86:15

A ach xo tic ach Dios Vajalil, te ay a vach'c'olal, te ay oq'uelc'olal. Man̈ c'unoc scot yoval a c'ool, tzaq'uelc'och tas tzala'.

A Ch'an̈ Carta D'a Eb' Hebreo 4:15

A jun tz'ac'anoch co ti' d'a Dios, a' tz'oc' sc'ool d'ayon̈ ayic malaj quip, yujto lajan ix utaj yac'ji proval ichoc on̈ tic, palta malaj juneloc ix och smul.

Mt 9:2

Ata' ay jun vin̈ sicb'inac eli, ix ic'jib'at vin̈ d'a sat svaynub' yuj juntzan̈ eb' vin̈ vinac d'a Jesús. Axo ix yilan Jesús to ix yac'och eb' d'a sc'ool. Yuj chi' ix yalan d'a vin̈ sicb'inac el chi': —Ach vetanimail, tec'tec' tzutej a b'a. Ix ac'jican lajvoc a mul, xchi d'a vin̈.

Mr 10:50

Yuj chi', ix syumancanel jun sábana vin̈ b'ac'anoch d'ay. Ix q'ue jucnaj vin̈. Elan̈chamel ix b'at vin̈ d'a Jesús.