Miqueas 2:7 - Chuj San Mateo Bible

⁷ ¿Tocval catab'il schon̈ab' vin̈aj Jacob? ¿Tocval ix lajvi snivanc'olal Dios, yuj chi' icha chi' ol on̈ yutej? ¿Tocval syac'cot yaelal Dios d'a yib'an̈ eb' tojol sb'eyb'al? xchi eb'.

Chuj San Sebastian Bible

⁷ Toc catb'tzab'il an̈ yin̈tl on̈ Jacob tic. ¿Tom xlajw sniwnc'ojlal Dios, yuj cha, 'ixta wal 'oj on̈ yutquec? xchi eb'. Yuj cha, tzyaln Jehová 'ixtic: Yel toni, wa'jnac in ti', to wach'n̈j tzwutj in b'a, palta cojn 'a eb' caw tojl tzyutj sb'eyb'al.

Miqueas 2:7 Referans Kwoze

Salmos 84:11

Ach Jehová co Diosal, a ach tzac' saquilq'uinal d'ayon̈, tzon̈ a tan̈vani. Tzac' a vach'c'olal d'a yib'an̈ eb' sb'eyb'alan tojolal, tzic'anchaan̈ eb'. Tzac'n̈ej masanil tastac vach' d'a eb' yujto ay elc'och d'a sat eb'.

Jeremías 15:16

Ayic tzalan a lolonel d'ayin tzin chan̈ej vab'i, an̈ej ayoch in tzalajc'olaloc, yujto ic in Mamin Jehová in Diosal, Yajal ach d'a Smasanil.

Salmos 15:2

Aton eb' vach' sb'eyb'al yed' eb' sb'oan tojolal, eb' an̈ej lolonel yel syal d'a smasanil sc'ool.

Zacarías 4:6

Ix yalanxi jun ángel chi' d'ayin icha tic: Aton jun lolonel tic syal Jehová Yajal d'a Smasanil d'a vin̈aj Zorobabel: Man̈ yujoc eb' soldado, man̈ yujoc pax ipalil, palta a yuj Vespíritu ol yal uuj.

Os 14:9

A eb' jelan yed' eb' aj pensar ol nachajel juntzan̈ in lolonel tic yuj eb'. A sb'e Jehová, te tojol. A eb' vach' spensar, a eb' sb'at d'a yol jun b'e chi', axo eb' te pit, stelvi eb' d'ay.

Is 50:2

¿Tas yuj ayic ix in javi, malaj mach ix vila'? ¿Tas yuj ayic ix ex vavtani malaj mach ix in tac'vani? ¿Tom max techaj vuj ex in colan e naani? ¿Tom max yal ex vac'anel d'a libre? Naec val to c'ocb'il junoc b'elan̈ lolonel svala', stupem a' mar, axo b'aj sb'ey a' nivac a', taquin̈ tz'ajcani, axo noc' chay, xcham noc' yuj taquin̈tial, sc'ab'at noc' yuj man̈ a'il.

Pr 28:18

A eb' vach' spensar scolchajel eb', palta a eb' chuc spensar jun, elan̈chamel sjavi yaelal d'a yib'an̈ eb'.

Pr 10:29

A Jehová stan̈van eb' vach' sb'eyb'al. Axo eb' sc'ulan chucal jun, ol satjoquel eb' yuuj.

Pr 10:9

Tato vach' co b'eyb'al, malaj b'aj ol on̈ xivoc. Tato a chucal sco c'ulej jun, ol on̈ yamchajelta.

2 Ti 3:5

Ol laj yal eb' icha tic: A d'a Dios van cac'anoch co pensar, xcham eb', palta a sb'eyb'al eb' ol ch'oxaneloc to man̈oc Dios ayoch yed' eb'. A achxo jun, tziq'uel a b'a d'a eb' icha chi' syutej sb'a. Man̈ junn̈ejoc tzach ec' yed' eb'.

2 Co 6:12

Malaj junoc tas ix co c'ub'ejeli. Palta a ex tic, ay juntzan̈ tas tze c'ub'ejel d'ayon̈.

Ro 7:13

Palta, ¿tas tze na jun? ¿Tom a jun ley te vach' chi' tz'ic'ancot chamel d'a vib'an̈? Maay, man̈oclaj. Aton jun in chuc pensaril tz'ic'ancoti. Icha chi' ix aj scheclajeli to yel te chuc jun chi'. A jun chucal chi' ix yac'lab'ej jun ley to vach' yic syic'ancot chamel d'a vib'an̈. Ichato chi' ix checlajelta to a jun in chuc pensaril chi', te chuc toni.

Jn 8:39

Palta a vin̈aj Abraham chi' co mam yaj vin̈, xchi eb' d'ay. —Octom val yel yin̈til ex vin̈, tato icha chi', tzam e c'anab'ajej icha sc'ulejnac vin̈.

Mt 3:8

Tato tze na e b'a yuj e mul, yovalil vach' tzeyutej e b'a yic scheclajeli to ix e na e b'a.

Miqueas 3:9

Ex yajalil Israel, ab'ec juntzan̈ tic: A ex tic tze patiquejel tojolal. Axo chucal tze c'ulej sq'uexuloc tojolal chi'.

Jeremías 2:4

E masanil ex yin̈tilalcan vin̈aj Jacob, aton vin̈aj Israel, maclejec eyab' tas syal Jehová.

Is 58:1

Ix yalan Jehová d'ayin icha tic: Avajan̈ d'a chaan̈, man̈ ach xiv avaji. Te chaan̈ tz'el av icha spuji junoc q'uen trompeta. Al d'a eb' yin̈tilal Jacob tic to te pit eb', te chuc eb'.

Pr 14:2

Tato vach' co b'eyb'al, te ay yelc'och Jehová d'ayon̈. Axo pax eb' chuc sb'eyb'al jun, malaj yelc'och Jehová d'a eb'.

Pr 2:7

A Jehová tz'ac'an sjelanil eb' tojol sb'eyb'al, aton eb' max esanlaj.

Salmos 119:65

Mamin Jehová, vach' ton ix utej a c'ool d'ayin a in a checab' in tic, ichataxon alancani.

Nm 11:23

Ix tac'vi Jehová chi' d'a vin̈ icha tic: —¿Am a naani to jab'n̈ej in poder? A ticnaic ol ila' tato ol elc'och icha sval tic, mato maay, xchi d'a vin̈.

Salmos 119:68

A ach tic, te vach' ach, vach'n̈ej tas tza c'ulej. C'ayb'ej in d'a a b'eyb'al.

Salmos 18:26

Vach' tzutej a b'a d'a eb' vach' sb'eyb'al, palta tza ch'ox a jelanil a tenanec' spensar eb' ixtum anima.