Miqueas 1:2 - Chuj San Mateo Bible

² E masanil ex vetchon̈ab', ab'ec juntzan̈ tic. Scham eyab'an e masanil cajan ex d'a yolyib'an̈q'uinal tic. A Jehová Yajal, ato d'a stemplo yicn̈ej yaji, ato ta' ol yalel masanil e chucal.

Chuj San Sebastian Bible

² E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Miqueas 1:2 Referans Kwoze

Is 1:2

Ex aj satchaan̈ yed' ex aj sat luum, ab'ec val tas syal Jehová: A eb' in chon̈ab' tic, ix in q'uib'tzitej eb' ayic ix cotoch eb' uninal, axo ix aji, ix meltzajoch eb' ajc'olal d'ayin.

Salmos 11:4

Palta ayec' Jehová d'a stemplo to an̈ej ay yico'. A d'a satchaan̈, ata' ay sdespacho, scham val sc'ool yilani, sch'olb'itan sb'eyb'al eb' anima.

Apoc 3:22

Masanil mach tz'ab'ani, yac'ocab'och schiquin d'a tas syal Espíritu d'a junjun iglesia, xchi Jesús d'ayin.

Apoc 3:13

Masanil mach tz'ab'ani, yac'ocab'och schiquin d'a tas syal Espíritu d'a junjun iglesia, xchi Jesús d'ayin.

Apoc 2:7

Masanil mach tz'ab'ani, yac'ocab'och schiquin d'a tas syal Espíritu d'a junjun iglesia. A eb' ol ac'an techajoc, ol vac' sat jun te te' yic q'uinal d'a juneln̈ej slo eb'. A jun te te' chi', a d'a svach'ilal Dios ayec' te', xchi Jesús d'ayin.

Malaquías 3:5

A in Jehová Yajal in d'a Smasanil sval icha tic: Ol in c'och d'a e cal yic tzex in ch'olb'itej. Elan̈chamel ol vac'och d'a yib'an̈ juntzan̈ eb' tic: Aton eb' ajb'aal, eb' sc'ulan ajmulal, eb' esalvum, eb' man̈ tz'acanoc stupan smunlajvum, eb' tz'ixtan eb' ix chamnac yetb'eyum yed' eb' unin chamnac smam yed' eb' ch'oc chon̈ab'il. Ol vac'paxoch d'a yib'an̈ eb' malaj velc'och d'ay.

Habacuc 2:20

Palta a Jehová, ayec' d'a yol stemplo yicn̈ej yaji, yuj chi' numanocab' tz'aj masanil tas ay d'a yolyib'an̈q'uinal tic d'a yichan̈.

Jonás 2:7

Axo yic vanxo slajvi in q'uinal ix vab'i, ix ach in naancot Mamin. Ix c'och in lesal d'a ichan̈ d'a a templo.

Jeremías 22:29

Ab'ec val ex aj Judá, scham val eyab'an tas syal Jehová.

Salmos 50:7

Syalanpax Dios icha tic: Ex in chon̈ab' Israel, ab'ecnab'i, jichan ol vutej valanoch e paltail d'a e sat. A in Dios in, e Diosal in.

Apoc 3:6

Masanil mach tz'ab'ani, yac'ocab' och schiquin d'a tas syal Espíritu d'a junjun iglesia, xchi Jesús d'ayin.

Apoc 2:29

Masanil mach tz'ab'ani, yac'ocab' och schiquin d'a tas syal Espíritu d'a junjun iglesia, xchi Jesús d'ayin.

Apoc 2:17

Masanil mach tz'ab'ani, yac'ocab' och schiquin d'a tas syal Espíritu d'a junjun iglesia. A eb' ol ac'an techajoc, ol vac' jun maná sva eb', aton jun c'ub'aneli. Ol vac'anpax junjunoc q'uen q'ueen sacsac d'a eb'. A d'a jun q'ueen chi' tz'ib'ab'iloch jun ac' b'i malaj mach ojtannac. A eb' ol chaan yico', an̈ej eb' ol ojtacaneloc, xchi Jesús d'ayin.

Apoc 2:11

Masanil mach tz'ab'ani, yac'ocab' och schiquin d'a tas syal Espíritu d'a junjun iglesia. A eb' ol ac'an techajoc, man̈xo ol yab'laj syail eb' d'a junxo schab'il chamel, xchi Jesús d'ayin.

Malaquías 2:14

Tzato e c'anb'an d'a Jehová chi' icha tic: ¿Tas yuj maxtzac a cha cofrenda chi'? xe chi. Aton yuj tic: Yujto a val Jehová ix ilani to max e c'anab'ajej e ti' eyac'nac d'a eb' ix ix eyic'nac e b'a yed'oc d'a e quelemal, vach'chom a eb' ix chi' eyetb'eyum eb' ix b'aj eyac'nac e ti' chi' eyic'lan e b'a yed'oc.

Jeremías 29:23

Icha chi' ol aj sja d'a yib'an̈ eb' vin̈, yujto te chuc tas sc'ulej eb' vin̈ d'a yol e chon̈ab'. Tz'em eb' vin̈ ajmulal yed' eb' ix yetb'eyum eb' yetvinaquil. Syalan juntzan̈ esal lolonel eb' vin̈ d'a in b'i, man̈oc in tzin chec yal eb' vin̈. A in Jehová in svala', vojtac tas yaji, xchi Jehová, xin chib'at d'a jun in carta chi'.

Jeremías 6:19

Ab'ec e masanil ex cajan ex d'a sat luum tic: Ol vic'cot junoc yaelal te chuc d'a yib'an̈ jun chon̈ab' tic, yuj chucal sna eb' sc'ulej, yujto maj scha yab' in lolonel eb', ix spatiquejel in c'ayb'ub'al eb'.

Salmos 50:12

Q'uinaloc ay in vejel, man̈ ol val-laj d'ayex, yujto vic jun yolyib'an̈q'uinal tic yed' masanil tas ay d'ay.

Salmos 50:1

A Jehová, Dios Axon̈ejochi, a ix loloni. Ix yavtej eb' cajan d'a yolyib'an̈q'uinal tic, b'aj sjavi c'u masanto b'aj tz'em c'u.

Salmos 28:2

Mamin, snib'ej in c'ool tzab'i ayic svalan in b'a d'ayach. Svic'q'ue in cab' d'a yol a templo, tzin c'anan a colval.

Salmos 24:1

A Jehová ay yic lum luum tic. A ay pax yic masanil tastac ay d'a sat luum.

Dt 32:1

Yab'ocab' satchaan̈ in loloni. Yab'ocab'pax lum luum tas ol vala'.

Jueces 11:10

Axo eb' vin̈ yajal chi' ix alanxi icha tic: —A Jehová scac'och co testigooc to ol co c'ulej icha tzal chi', xchi eb'.

A Ch'an̈ B'ab'el Libro Yic Yab'ixal Eb' Rey 22:28

Ix yalan jay b'elan̈ lolonel tic vin̈aj Micaías chi': Tato tzach meltzaj d'a junc'olal, syalelc'ochi to man̈oc Jehová ix checan val juntzan̈ lolonel chi', xchi vin̈ d'a vin̈ rey chi'. Ix yalan vin̈ d'a eb' anima chi': —Ex vetchon̈ab', scham val e naan jun ix val tic, xchi vin̈.

2 Cr 18:27

Ixto yal jay b'elan̈xo vin̈aj Micaías chi' icha tic: Tato vach' tz'aj a meltzaji, syalelc'ochi to man̈oc Jehová tz'alan d'ayin syal chi', xchi vin̈. Ix yalanxi vin̈: E masanil ex chon̈ab', naan̈ejocab' eyuuj tas ix val tic, xchi vin̈.

Is 18:3

Masanil ex cajan ex d'a yolyib'an̈q'uinal tic, ayic ol eyilan scheclajq'ue junoc yechel d'a lum jolomtac vitz, ol eyab'an spuchaj q'uen trompeta, tze maclej eyab'i.

Is 50:7

A Jehová Yajal, a scolvaj ved'oc, yuj chi' maj chab'ax in c'ol yuj tas tzin yutej eb' chi'. Tec'an ix vutej in b'a vac'an techajoc, yujto vojtac to man̈ ol el in q'uixvelal.

Jeremías 42:5

Ix tac'vixi eb' d'ayin icha tic: —Aocab' Jehová chi' testigo tz'ajcan d'ayon̈, tato man̈ ol co c'anab'ajej tas ol yal chi' d'ayach.

Pr 8:4

E masanil ex anima ayex d'a yolyib'an̈q'uinal tic, ab'ec.

Jonás 2:8

A eb' slaj yaq'uem sb'a d'a yechel comon dios malaj yelc'ochi, spatiquejcanel a vach'c'olal eb' tza nib'ej tzac' d'a eb'.