Lc 9:19 - Chuj San Mateo Bible

¹⁹ —Ay eb' tz'alani to a ach Juan ach, vin̈ ac'jinac bautizar. Ay pax eb' tz'alani to Elías ach. An̈ejtona' ay eb' tz'alanpaxi to a ach junoc schecab' Dios ec'nac d'a peca' pitzvinacxi, xchi eb' sc'ayb'um chi'.

Chuj San Sebastian Bible

¹⁹ —'Ay eb' tzalni tolab' Juan Bautista ach, 'ay pax eb' tzalni tolab' Elías ach. An̈jtona', 'ay pax eb' tzalni tolab' a junc schecb' Dios 'e'nc pecti', a pitzwnac pax 'a scal eb' chamnac, xchi eb' scuywum cha.

Lc 9:19 Referans Kwoze

Jn 1:21

Ix sc'anb'an pax eb' d'a vin̈: —¿Mach ach jun? ¿Mato a ach Elías ach? xchi eb'. —Man̈oc in laj, xchi vin̈. —¿Mato a ach tic schecab' ach Dios tan̈vab'il cuuj? xchi eb'. —Maay, xchi vin̈.

Mr 6:15

Axo juntzan̈xo eb' anima ix alani: —A jun vin̈ chi', aton vin̈aj Elías, xchi eb'. Axo juntzan̈xo eb' ix alani: Aton jun schecab' Dios, icha eb' ay d'a peca', xchi eb'.

Mt 14:2

Yuj chi' ix yalan vin̈ d'a eb' tz'ac'an servil: —A jun vin̈ chi', aton vin̈aj Juan, vin̈ ac'jinac bautizar, ix pitzvixi vin̈ d'a scal eb' chamnac. Yuj chi' ay yopisio vin̈ sb'oan juntzan̈ milagro chi', xchi vin̈.

Malaquías 4:5

Ab'ec, ol in b'ab'laj chequejb'at vin̈ in checab' aj Elías, ayic manto javi jun c'ual yic ol checlaj yoval in c'ool. A jun c'ual chi', te nivan yelc'ochi, ayxo smay ol ujoc.

Jn 9:17

Yuj chi' ix sc'anb'an eb' vin̈ d'a jun vin̈ ix b'o yilan chi': —A achxo tic, ¿tas tzutej a naan yuj vin̈ ix b'oan a sat tic? xchi eb' d'a vin̈. —A in tic tzin na'a to schecab' Dios yaj vin̈, xchi vin̈.

Jn 7:40

Ix lajvi yab'an eb' anima tas ix yal Jesús chi', ay eb' ix laj alani: —Val yel, aton jun tic schecab' Dios tan̈vab'iltaxon sja cuuj, xchi eb'.

Jn 1:25

Ix sc'anb'an pax eb' d'a vin̈: —¿Tas yuj tzac' bautizar eb' anima tato man̈ ach Cristooc, tato man̈ ach Elíasoc, tato man̈oc ach schecab' Dios tan̈vab'il cuuj? xchi eb' d'a vin̈.

Mt 3:1

A d'a jun tiempoal chi', ay jun vin̈ scuchan Juan ix ac'an bautizar d'a tz'inan luum d'a yol yic Judea. Ata' ix yalel slolonel Dios vin̈ d'a eb' anima ix laj c'och d'ay.

Mr 6:14

A d'a jun tiempoal chi', ayic ix yab'an vin̈aj rey Herodes juntzan̈ tastac ix sc'ulej Jesús, yujto ix te pucaxel yab'ixal d'a scal masanil eb' anima. Yuj chi' ix yalan vin̈: —A jun vin̈ chi', aton vin̈aj Juan vin̈ ac'annac bautizar, ix pitzvixi vin̈ d'a scal eb' chamnac. Yuj chi', ay spoder vin̈ sc'ulan juntzan̈ chi', xchi vin̈.

Lc 9:18

A junel, van yac'an lesal Jesús b'aj malaj eb' anima, ayec' eb' sc'ayb'um yed'oc, ix sc'anb'an d'a eb': —¿Mach in yalan eb' anima tzeyab'i? xchi d'a eb'.

Lc 9:20

Xal ex pax tic, ¿mach in e naani? xchi Jesús d'a eb'. Axo vin̈aj Pedro ix alani: —A ach ton tic Cristo ach, a ach ton Ac'b'il ach cot yuj Dios, xchi vin̈.