Lc 7:45 - Chuj San Mateo Bible

⁴⁵ Maj a tz'ub'laj in ti', yic tzac'an stzatzil in c'ool. Axo jun ix tic, yictax in ja d'a tic, max och van ix stz'ub'anelta voc tic.

Chuj San Sebastian Bible

⁴⁵ Ma'ix a tz'ub' in ti', yic tza ch'oxn a chamc'ojlal 'ayin. Ax jun 'ix tic, yictax in jaw 'a tic, ma'ix 'och wan 'ix stz'ub'n woc tic.

Lc 7:45 Referans Kwoze

A Ch'an̈ Schab'l Libro Samuel 15:5

Ay junxo tas syutej eb' anima chi' vin̈, ayic vanto sc'och eb' d'a vin̈, ayic manto em n̈ojan eb' d'a yichan̈ vin̈, tz'och lac'naj vin̈ d'a eb', stz'ub'anelta sti' eb' vin̈.

Ro 16:16

Slaj eyac'laj stzatzil e c'ool d'a tzalajc'olal yujto yic exxo Dios. A eb' yicxo Cristo d'a junjun chon̈ab' d'a tic, syac'b'at stzatzil e c'ool eb'.

A Ch'an̈ Schab'l Libro Samuel 19:39

Masanil eb' ajun yed' vin̈ rey chi', ix c'axpajec'ta eb' d'a yol a' Jordán, ix c'axpajpaxec' vin̈ rey chi', ix stz'ub'ancanelta sti' vin̈aj Barzilai chi' vin̈, ix yalan vach' lolonel vin̈ d'a yib'an̈ vin̈, ix paxcan vin̈ d'a spat.

1 Ts 5:26

Tzeyac'laj stzatzil e c'ool yuj e xajanan e b'a ta'.

1 Co 16:20

Syac'b'at stzatzil e c'ool masanil eb' creyente d'a tic. Slaj eyac'laj stzatzil e c'ool d'a tzalajc'olal ta'.

Mt 26:48

A vin̈aj Judas chi', vin̈ ol ac'anoch Jesús d'a yol sc'ab' eb', toxo ix slajtiej sb'a vin̈ yed' eb'. Ix yalan vin̈ icha tic: —A vin̈ ol in tz'ub'elta sti', aton vin̈ chi' tzeyama', xchi vin̈ d'a eb'.

Gn 33:4

Ix javi lemnaj vin̈aj Esaú chi', ix och lac'naj vin̈ d'a sjaj vin̈ yuc'tac chi', ix och tz'ub'naj vin̈ d'a sti' vin̈, ix oc' eb' vin̈ schavan̈il.

Gn 29:11

D'a elan̈chamel ix yac'an stzatzil sc'ol ix Raquel chi' vin̈, ix tz'ub'elta sti' ix vin̈, ix oc'q'ue vin̈.

Ef 6:4

A exxo mamab'il ex, man̈ e tzuntzejcot yoval eb' eyuninal, palta to tze q'uib'tzitej eb', tze cachan eb'. Tze c'ayb'anpax eb' d'a sc'ayb'ub'al Cajal Jesús.