Lc 3:8 - Chuj San Mateo Bible

⁸ Tato tze na e b'a d'a e mul, yovalil vach' tzeyutej e b'eyb'al, yic scheclajeli to yel ix e na e b'a. Man̈ eyal icha tic: Malaj pena, yin̈tilon̈can vin̈aj Abraham, man̈ xe chioc. Yujto a in tic sval d'ayex, tato sgana Dios, syal yoch juntzan̈ q'uen q'ueen tic yin̈tiloc vin̈aj Abraham chi' e q'uexuloc.

Chuj San Sebastian Bible

⁸ Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.

Lc 3:8 Referans Kwoze

A Tas Sc'ulejnac Eb' Schecab' Jesús Hechos 26:20

Yuj chi' a d'a Damasco chi' in b'ab'laj alejel slolonel Dios. Slajvi chi' ec' valanel d'a Jerusalén yed' d'a masanil yol yic Judea, svalanpax d'a eb' man̈ israeloc to sna sb'a eb', syac'anpaxoch spensar eb' d'a Dios. Svalan pax d'a eb' to yovalil vach' syutej sb'eyb'al eb', yic vach' scheclaji to yel sna sb'a eb'.

Mt 21:43

Yuj chi' sval d'ayex, ol yal Dios to man̈xalaj eyalan eyic eyoch d'a yol sc'ab'. Axo ol yalan d'a juntzan̈xo eb' anima, to ay yalan yic eb' yoch e q'uexuloc. Yujto a eb' chi', lajan eb' icha eb' tz'ac'an smajananub'al te' avb'en uva d'a vin̈ aj luum chi'.

A Scarta San Pablo D'a Eb' Aj Filipos 1:11

Ol vach' och Jesucristo eyed'oc, yic vach' tojoln̈ej ol eyutoc e b'eyb'al. Tato icha chi', eyuuj ol checlajeloc to te nivan yelc'och Dios, axo yalji vach' lolonel chi' d'ay.

Ro 9:7

A eb' israel chi', yin̈tilal ton Abraham yaj eb', palta man̈ masaniloc eb' yel yin̈tilal vin̈ d'a yichan̈ Dios. Yujto yalnaccan Dios d'a vin̈aj Abraham chi' icha tic: A d'a vin̈aj Isaac tic ol b'eyn̈ejb'at jantac in̈tilal, xchicani.

Ro 4:16

Yac'naccan sti' Dios d'a vin̈aj Abraham chi', yujto yac'nacoch vin̈ d'a sc'ool. Icha chi' ix aj scheclajeli to yujn̈ej svach'c'olal Dios yac'naccan sti' d'a vin̈. Vach'xo yaj d'ayon̈ yed' a on̈ yin̈til on̈ vin̈aj Abraham tic. Man̈ocn̈ej eb' syac'och spensar d'a jun ley chi' ay yico', palta quic yaj co masanil a on̈ scac'och Dios d'a co c'ol icha ajnac vin̈aj Abraham chi'. Yujto yac'nacoch vin̈ d'a sc'ool, yuj chi' mamab'il yaj vin̈ d'ayon̈.

Lc 19:40

Yuj chi' ix yalan Jesús d'a eb' vin̈: —Sval d'ayex tato tz'em numan eb', axo juntzan̈ q'uen q'ueen tic ol avajq'ueoc, xchi d'a eb'.

Jn 8:33

Palta ix yalanxi eb' d'ay: —A on̈ tic yin̈til on̈ pax Abraham ed'oc. Malaj juneloc ix on̈ och schecab'oc junoc anima. ¿Tas yuj tzala' to ol on̈ el d'a libre? xchi eb'.

Jn 8:39

Palta a vin̈aj Abraham chi' co mam yaj vin̈, xchi eb' d'ay. —Octom val yel yin̈til ex vin̈, tato icha chi', tzam e c'anab'ajej icha sc'ulejnac vin̈.

Ez 33:24

Ach anima, a eb' anima cajan d'a juntzan̈ chon̈ab' mac'b'ilem lan̈naj d'a yol yic eb' etisraelal, syal eb' icha tic: A vin̈aj Abraham junn̈ej patil vin̈, palta schanac jun luum tic vin̈ smacb'enoc. A on̈xo pax tic jun, tzijtum co b'eyi, smoj quic'an luum, xchi eb'.

Mt 3:8

Tato tze na e b'a yuj e mul, yovalil vach' tzeyutej e b'a yic scheclajeli to ix e na e b'a.

Mt 3:9

Man̈ eyal icha tic: Malaj pena, yin̈til on̈ can vin̈aj Abraham. Yuj chi' malaj tas ol javoc d'a quib'an̈, man̈ xe chioc. Yujto a in sval d'ayex, tato sgana Dios, syal yoch juntzan̈ q'uen q'ueen tic yin̈tilaloc vin̈aj Abraham chi' e q'uexuloc.

Lc 5:21

Yuj chi', axo eb' c'ayb'um d'a ley Moisés yed' eb' fariseo, ix och ijan eb' snaub'tan̈ani: ¿Tas yaj jun vin̈ tic? Van sb'uchvaj vin̈ d'a Dios. Malaj junoc mach syal yac'an lajvoc mul, an̈ej Dios, xchi eb' d'a spensar.

Lc 13:25

A in tic, icha yajal pat vaji. Tato tzin q'ue lin̈an tzin macan in pat yacb'an ayexto ec' d'a sti' te' pat chi', ol ex avajochoc, Mamin, jac on̈ ochi, xe chama. Axo ol valani: Man̈ vojtacoc mach ex, xin chama.

Lc 13:26

Palta a on̈ tic vanac on̈, cuc'nac a' ed'oc. A c'ayb'ejnac on̈ d'a yoltac calle, xe cham d'ayin.

Lc 14:9

axo vin̈ tzex avtan chi' tz'alan d'ayex: Elan̈ d'a te' xila tic, ac'b'at te' d'a vin̈ tic, tato xchi. Tzex q'uixvi, axo d'a xila eb' malaj yelc'och tzex emcan c'ojan.

Lc 19:9

Yuj chi' ix yalan Jesús chi': —A ticnaic, ix cha scolnab'il vin̈ aj pat tic, yujto val yel yin̈tilalpaxcan Abraham vin̈.

Nehemías 5:11

Yuj chi' sval d'ayex to tzeyac' meltzaj slum eb' chi' ticnaic yed' yavb'en eb', te' yolivo eb' yed' spat eb', tzeyac'an lajvoc sb'oc eb' chi' d'ayex. Tzeyac'an meltzaj yune' q'uen tumin ix yac' eb' chi' d'ayex, ma trigo, ma vino, ma aceite, tas ix e c'an d'a eb', xin chi d'a eb'.