Lc 21:18 - Chuj San Mateo Bible

¹⁸ Palta man̈ ol ex satel-laj, man̈ val junoc xil e jolom ol satb'atoc.

Chuj San Sebastian Bible

¹⁸ Palta toxn ma'oj e satli, wach'xam junc xil e jolom, ma'oj satoc.

Lc 21:18 Referans Kwoze

Mt 10:30

Palta a exxo tic, yelxo val nivan eyelc'och d'a yichan̈ masanil noc' cotac much chi'. Ina masanil xil e jolom b'isb'il yuuj. Yuj chi', man̈ ex xivoc.

A Ch'an̈ B'ab'el Libro Samuel 14:45

Ix tac'vi eb' anima smasanil: —Tocval ol co cha cham vin̈aj Jonatán tic, yujto a yuj vin̈, on̈ colchaj a on̈ israel on̈ tic. Man̈ smojoc icha chi'. Yojtac Jehová co Diosal. Val yel malaj junoc xil sjolom vin̈aj Jonatán tic ol em d'a sat luum. Yujto a tas toxo ix elc'och ticnaic, a Dios ix colvaj qued'oc, xchi eb'. Icha chi' ix aj scolchajcanel vin̈aj Jonatán chi' yuj eb' yetchon̈ab', yuj chi' majxo chamlaj vin̈.

A Tas Sc'ulejnac Eb' Schecab' Jesús Hechos 27:34

Yuj chi' tzin tevi d'ayex to tzex va'i yic vach' ol ochxoc eyip, yujto malaj junoc on̈ ol on̈ chamoc. An̈ejtona' malaj junoc on̈ ol on̈ lajvoc, xchi vin̈ d'a eb'.

Lc 12:7

A ex xo tic, ec'alto eyelc'och d'a yichan̈ jantac noc' yunetac much chi'. Inatax xil e jolom, b'isb'il yuj Dios chi'. Yuj chi' man̈ ex och ilc'olal.

A Ch'an̈ Schab'l Libro Samuel 14:11

Palta ix ochn̈ej tean ix d'a vin̈ rey chi': —Tzin tevi d'ayach mamin rey, to tzac' a ti' d'a yichan̈ Jehová co Diosal to a jun in c'ab' voc snib'ej yac'anec' spac schamel vin̈ vune' chi', mocab' smilcham junxo vune' chi', yic max te javi cuselal d'a vib'an̈, xchi ix. Ix tac'vi vin̈ rey chi': —Svac' in ti' d'a yichan̈ Jehová to malaj jab'oc tas ol ic'an vin̈ une' chi', xchi vin̈.

A Ch'an̈ B'ab'el Libro Samuel 25:29

Vach'chom ay mach tzach pechan b'eyec'oc, snib'ej eb' tzach smilchamoc, malaj tas ol ach ic'anoc, yujto c'ub'ab'il ach el yuj Jehová co Diosal. Axo pax eb' ayoch ajc'olal d'ayach jun, a Jehová ol julanel eb' icha junoc mach sjulanel junoc q'uen q'ueen yed' junoc mejmeech.

Lc 21:17

Axo masanil eb' anima ay d'a yolyib'an̈q'uinal tic, ol och eb' ajc'olal d'ayex, yujto ayoch e pensar d'ayin.