Lc 2:51 - Chuj San Mateo Bible

⁵¹ Ichato chi' ix paxta yed' eb' d'a Nazaret, ix sc'anab'ajan tas ix yal eb'. Axo ix snun chi', ix can juntzan̈ chi' d'a spensar ix, ix ste naub'tan̈an ix.

Chuj San Sebastian Bible

⁵¹ Xlajw cha, xpax yet' eb' 'a Nazaret. Yiclumn̈ej xyutj sb'a 'a eb', 'icha xon sley. Ax snun cha, smol jun tzo'n̈ chi 'a snab'en, caw tznab'tan̈ej.

Lc 2:51 Referans Kwoze

Lc 2:19

Axo ix María chi', ton̈ej ix yab'can juntzan̈ chi' ix, ix ste naub'tan̈an ix.

Dn 7:28

Aton slajvub'al juntzan̈ tas ix alchajcan d'ayin a in Daniel in tic. Ix te somchaj in c'ool. Ix tup in chiq'uil yuj xivelal, palta malaj junoc mach b'aj ix val juntzan̈ lolonel tic.

Gn 37:11

Icha chi' ix aj sq'ue vaan schichonc'olal eb' vin̈ yuc'tac vin̈ chi' d'a spatic, palta axo vin̈ smam vin̈ chi', ix snaub'tan̈ej val vin̈ tas val syalelc'och jun svayich vin̈ chi'.

Mr 6:3

Yujto a jun vin̈ tic, n̈icum te' vin̈, yune' vin̈ ix María. Yuc'tac sb'a vin̈ yed' vin̈aj Jacobo, vin̈aj José, vin̈aj Judas yed' vin̈aj Simón. Ay pax eb' ix yanab' vin̈ ayec' d'a co cal tic, xchi eb'. Yuj chi', ton̈ej ix somchaj spensar eb' yuj Jesús chi'.

A Sb'ab'el Carta San Pedro 2:21

Ix on̈ yavtejoch Dios yicoc, yic scab' syail yuj co vach' b'eyb'al tic. Yab'nac syail Cristo cuuj. Icha chi' yutejnac sch'oxan jun vach' b'eyb'al d'ayon̈, yic a sco b'eyb'alej yed'oc.

Mt 3:15

Palta ix yalan Jesús chi' d'a vin̈: —Yovalil ol a c'ulej jun tic yujto smoj sco c'anab'ajej jantacn̈ej tas syal Dios, xchi d'a vin̈. Ichato chi', ix chaan sc'ol vin̈aj Juan chi'.

Ef 5:21

Tze chaoch d'a eyib'an̈ e c'anab'ajan tas tzeyal junjun ex, yujto ayon̈ och d'a yalan̈ smandar Cristo.

Lc 2:39

Ayic ix lajvi sc'anab'ajan juntzan̈ sleyal alb'ilcan yuj Dios Cajal eb', ix pax eb' d'a schon̈ab' scuch Nazaret, aton jun ay d'a yol yic Galilea.

Salmos 119:11

Ix cham val in c'ayb'an a lolonel yic vach' max och in mul d'ayach.

Mt 12:46

Vanto yalan Jesús d'a eb' anima chi', ix c'och ix snun yed' eb' yuc'tac. A d'a ti' pat ix c'och eb'. Sgana eb' sc'umej Jesús chi'.

Mr 1:9

A d'a jun tiempoal chi', ix cot Jesús d'a Nazaret, d'a yol yic Galilea, xid' yac'an bautizar sb'a d'a vin̈aj Juan d'a a' nivan Jordán.

Lc 4:16

Ichato chi' ix c'och d'a chon̈ab' Nazaret b'aj q'uib'nac. Axo d'a sc'ual syic' yip eb' israel, ix och d'a yol spatil culto ichataxon smodo. Ix q'ue lin̈an yic syavtan Slolonel Dios Tz'ib'ab'ilcani.

Lc 4:23

Yuj chi' ix yal Jesús d'a eb': —A ex ton tic ol eyal d'ayin: Ach an̈tum, munil tzan̈tej a b'a. A tas a c'ulejnac d'a chon̈ab' Capernaum, c'ulej pax d'a a chon̈ab' tic quila', xe cham d'ayin.

Lc 18:37

Ix yalan eb' d'a vin̈ to a Jesús aj Nazaret van yec' d'a yol b'e chi'.