Lc 19:28 - Chuj San Mateo Bible

²⁸ Ix lajvi yalan jun ab'ix chi' Jesús, ix schaan pax sb'e, ix b'ab'laj yuj eb' sc'ayb'um yic sq'ue eb' d'a Jerusalén.

Chuj San Sebastian Bible

²⁸ Xlajw yaln Jesús jun 'ab'x cha, 'ix chan pax b'e yet' eb' scuywum, yic tz'at eb' 'a Jerusalén.

Lc 19:28 Referans Kwoze

Lc 9:51

Ayic van sc'och stiempoal spax Jesús d'a satchaan̈, tec'tec' ix yutej sb'a sb'at d'a Jerusalén.

A Sb'ab'el Carta San Pedro 4:1

Yab'nac val syail Cristo yed' snivanil ayic ix chami. Yuj chi' co naec to chamnac on̈ pax yed'oc. A eb' chamnacxo, man̈xalaj yalan yic eb' d'a chucal.

A Ch'an̈ Carta D'a Eb' Hebreo 12:2

Caq'uec val och co c'ol d'a Jesús, aton tz'ac'an cac'och Dios d'a co c'ool, scolvajn̈ej qued'oc masanto tzon̈ tec'c'aji. Yab'nac val syail d'a te' culus. Malaj ix aj snaani vach'chom q'uixvelal ix utaji ayic ix chami, yujto yojtac to ayic slajvi yab'an syail chi', tzalajc'olal yico'. Ix c'och c'ojan d'a svach' c'ab' Dios.

Lc 18:31

A Jesús ix avtancot eb' lajchavan̈ chi' sch'ocojil, ix yalan d'a eb': —A ticnaic van co b'at d'a Jerusalén. Ata' ol ujoc elc'och jantacn̈ej tas tz'ib'ab'ilcan yuj eb' schecab' Dios d'a peca' yic yalannaccan vab'ixal eb', a in Ac'b'il in cot yuj Dios voch animail tic.

Lc 12:50

Ay val jun nivan yaelal ol ja d'a vib'an̈, ichato ol in ac'joc bautizar yuuj. Tzin cus val sic'lab'il ticnaic masanto ol ujoc elc'ochi.

Jn 18:11

Axo ix yalan Jesús d'a vin̈aj Pedro chi': —Aq'uem q'uen espada chi' d'a yol yatut. ¿Tom man̈ ol vac' in b'a d'a jun yaelal syac'cot in Mam d'a vib'an̈ tic a naani? xchi d'a vin̈.

Lc 10:30

Yuj chi' ix yalxi jun ab'ix tic Jesús d'a vin̈: —A junel ay jun vin̈ van sb'ey d'a jun b'e scot d'a Jerusalén sc'och d'a Jericó. Ix yamji vin̈ yuj juntzan̈ eb' elc'um. Ix laj elc'ajel tastac yed'nac vin̈ yed' spichul vin̈. Ix mac'ji vecchaj vin̈, ijan ix cham vin̈ smac'an eb'.