Lc 17:14 - Chuj San Mateo Bible

¹⁴ Axo ix iljib'at eb' yuj Jesús, ix yalanb'at d'a eb': —Ixiquec, ix ch'oxec e b'a d'a eb' sacerdote, xchi d'a eb' vin̈. Yacb'an van sb'ey eb' vin̈, ipan sb'oxi eb' vin̈.

Chuj San Sebastian Bible

¹⁴ Yic xyiln Jesús ewinac, xyaln 'ixtic: —'Ixquec, 'at ch'oxc e b'a 'a eb' ya'mal 'och qui ti 'a Dios, xchi 'a ewinac. Axn wan sb'ey ewinac, xb'ox sc'ojl ewin smasnil.

Lc 17:14 Referans Kwoze

Lc 5:14

Ix lajvi chi', ix cham val yalan d'a vin̈: —Ayta b'aj tzal jun tic. Palta ixic, b'at ch'ox a b'a d'a vin̈ sacerdote. B'at ac'an jun silab' d'a Dios, icha yalnaccan vin̈aj Moisés, yic tz'ilji to ach b'oxi, xchi Jesús chi' d'a vin̈.

A Ch'an̈ Schab'il Libro Yic Yab'ixal Eb' Rey 5:14

Ichato chi' ix b'at vin̈aj Naamán chi', uquel ix em vin̈ d'a yol a' Jordán chi', icha ix aj yalan vin̈aj Eliseo schecab' Dios. Ix b'oxican snivanil vin̈ chi', icha snivanil junoc unin, te vach' ix ajcani.

Mt 3:15

Palta ix yalan Jesús chi' d'a vin̈: —Yovalil ol a c'ulej jun tic yujto smoj sco c'anab'ajej jantacn̈ej tas syal Dios, xchi d'a vin̈. Ichato chi', ix chaan sc'ol vin̈aj Juan chi'.

Jn 11:10

Palta a eb' sb'eyec' d'ac'valil, scomon telvi eb', yujto malaj saquilq'uinal d'a eb', xchi Jesús.

Jn 9:7

Ix lajvi chi', ix yalan d'a vin̈: —Ixic, b'at b'iquel d'a jun b'aj molb'ab'il a a' scuch Siloé, xchi d'a vin̈. (Siloé syalelc'ochi, Ac'b'ilcoti.) Ix b'at sb'icanel vin̈, axo ix meltzaj vin̈, tzaxo yal yilan vin̈.

Jn 2:5

Axo ix yalan ix snun chi' d'a eb' vin̈ van yac'an servil chi': —Jantacn̈ej tas ol yal Jesús d'ayex, tze c'anab'ajejn̈ej, xchi ix d'a eb' vin̈.

Is 65:24

Ayic manto in yavtej eb', toxo ix in tac'vi d'a eb', ayic manto lajvi yalan eb', toxo ix vab' tas syal eb'.