Lc 11:24 - Chuj San Mateo Bible

²⁴ Q'uinaloc ay junoc enemigo tz'el d'a junoc anima ticnaic, tz'ec' d'a tz'inan luum, sayan b'aj syic' yip. Palta max ilchaj yuuj. Yuj chi' snaan icha tic: Ol in pax d'a in pat b'aj cotnac in, xchi.

Chuj San Sebastian Bible

²⁴ Q'uinloc 'ay junc demonio tz'el 'a junc 'anma ticnec. Tzlajw cha, c'uxn tzb'eyc' jun demonio chi 'a jun tzo'n̈ tacn̈ lu'um, tzsayn 'ec' 'aj wach' tz'ilji. Palta matz 'ilchj 'aj tz'aj winac, yuj cha, tznan win 'ixtic: 'Oj in pax 'a jun wet'l 'aj 'elnc in ta, xchi winac.

Lc 11:24 Referans Kwoze

A Sb'ab'el Carta San Pedro 5:8

Lista scutej co b'a co macvaji, yujto icha yaj noc' choj tz'el yav tz'ec' sayec' schib'ej, icha chi' yec' vin̈ ajc'ool d'a co patic quichan̈, aton vin̈ diablo.

Salmos 63:1

Ach in Diosal, toxonton in Diosal ach. Tzach in nib'ej d'a smasanil in c'ool, tzach snib'ej in pixan icha tz'aj snib'an n̈ab' lum luum taquin̈.

Job 2:2

Ix sc'anb'an Jehová chi' d'a vin̈: —¿B'ajtil ach coti? xchi. Ix yalan vin̈ icha tic: —Ix in cot d'a yolyib'an̈q'uinal, yujto tzec' voymitej lum smasanil, xchi vin̈.

Job 1:7

Ix sc'anb'an Jehová d'a vin̈ Satanás chi' icha tic: —¿B'ajtil ach coti? xchi. Ix yalan vin̈: —In cot d'a yolyib'an̈q'uinal, yujto tzec' voymitej lum smasanil, xchi vin̈.

Mr 5:10

Ix och ijan vin̈ stevi d'a Jesús, yic max checjiel eb' enemigo chi' d'a jun lugar chi'.

Is 48:22

Axo pax eb' sc'ulan chucal, malaj jab'oc vach'il ol scha eb', xchi Jehová.

Ef 2:2

Yujto an̈ej jun sgana yolyib'an̈q'uinal tic tze c'anab'ajej, aton sgana vin̈ ay yopisio yac'an mandar d'a scal ic', aton vin̈ Satanás, vin̈ tz'ac'an sc'uloc eb' max c'anab'ajan Dios.

Mr 9:25

Axo ix yilan Jesús, man̈ jantacoc anima van smolchajc'och d'ay, yuj chi' ix stuman jun enemigo chi': —Ach enemigo, ac'um chacan̈il, macum ti anima, sval d'ayach, elan̈ d'a jun unin tic. Man̈xo ach och d'ay junelxo, xchi Jesús.

Is 44:3

Yujto ol vaq'uel yoc a a' d'a taquin̈ luum, ol b'ey a' d'a lum taquin̈ sat. Ol vac'och Vespíritu d'a eb' eyin̈tilal, ol vac'an in vach'c'olal d'a eb'.

Is 35:7

A d'a lum taquin̈ luum, ol aj a' nivac n̈ajab'. A d'a lum taquin̈ val sat yalxon̈ej b'aj ol laj q'ueul sjaj a'. A b'aj cajanec' noc' oques ticnaic, ata' ol q'uib'q'ue te' velec' yed' te' aj.

Pr 4:16

Max ochlaj svayan̈ eb' tato max sc'ulej chucal eb', max yic'laj yip eb', tato malaj junoc mach syixtej eb'.

Lc 11:25

Axo yic sc'ochxi, syilan spixan jun anima chi', icha junoc pat mesb'il yool, vach' yilji.