Jueces 9:43 - Chuj San Mateo Bible

⁴³ yuj chi' ox macan̈ ix yutej eb' soldado vin̈, ix sc'ub'anel sb'a eb' d'a caltac te'. Ayic ix yilan eb' soldado chi' yelul eb' anima d'a spuertail chon̈ab', ix elta eb' b'aj c'ub'an chi', ix yac'an oval eb' yed' eb'.

Chuj San Sebastian Bible

⁴³ A yic xyab'n cha, 'ix spojn snan̈l eb' soldado, 'oxc'aj xyutj 'el eb'. X'at sc'ub'nc 'el sb'a 'a scal te 'a sti 'el chon̈b' cha. Ax yic x'elt eb' 'anma chi 'a sti chon̈b' cha, 'ix 'elt yet' eb' soldado 'aj sc'ub'j 'el sb'a cha, xya'n owl yet' eb' 'anma cha.

Jueces 9:43 Referans Kwoze

Jueces 9:42

Axo d'a junxo c'u, ix b'at eb' aj Siquem chi' munlajel, ix yab'an vin̈aj Abimelec chi',

Jueces 9:44

D'a jun rato chi', ix b'at vin̈aj Abimelec yed' jun macan̈ eb' soldado smaccan spuertail chon̈ab' chi'. Palta axo cha macan̈xo eb' jun, ix yac' oval eb' yed' eb' anima ix elta munlajel d'a spatictac chon̈ab' Siquem chi'.

A Ch'an̈ B'ab'el Libro Samuel 11:11

Axo d'a junxo c'u, q'uic'to val, ix spojanec' eb' soldado vin̈aj Saúl chi', ox poj ix yutej eb' vin̈. Ayto val sacb'i, ix c'och lemnaj eb' d'a yol scampamento eb' amonita chi', ix och ijan eb' smilancham eb' masanto d'a q'uec'ualil. Axo eb' maj chamoc, ix saclemcanb'at eb', malaj b'aj junn̈ej ix can chavan̈oc eb'.

A Ch'an̈ Schab'l Libro Samuel 18:2

Ox macan̈ ix aj spojanb'at eb' soldado chi' vin̈. A vin̈aj Joab ix och yajalil d'a jun macan̈, axo d'a junxo macan̈, a vin̈aj Abisai yuc'tac vin̈aj Joab chi' ix ochi. Axo junxo macan̈ jun, a vin̈aj Itai aj Gat ix och yajalil d'ay. Ix yalan vin̈aj rey David chi' d'a masanil eb' soldado icha tic: —Ol in b'at eyed'oc d'a oval chi', xchi vin̈.