Jueces 9:28 - Chuj San Mateo Bible

²⁸ Ix och ijan vin̈aj Gaal chi' yalani: ¿Mach jun vin̈aj Abimelec chi' yalani, yuj chi' tzon̈ yac' mandar vin̈? A vin̈ chi', yuninal vin̈ vin̈aj Jerobaal, axo pax vin̈aj Zebul schecab' vin̈. A eb' vin̈ chi' malaj yelc'och eb' vin̈. A on̈ pax aj Siquem on̈ tic, ¿tas yuj ton̈ej scac' co b'a d'a vin̈? ¿Tom ol on̈ ochn̈ej schecab'oc eb' vin̈? Co naeccot ticnaic to a vin̈ co mam quicham, aton vin̈aj Hamor, vin̈ b'oannacq'ue chon̈ab' Siquem tic, yuj chi' quiq'uequel co b'a d'a yol sc'ab' vin̈aj Abimelec chi'.

Chuj San Sebastian Bible

²⁸ Ax win Gaal cha, xyaln win 'ixtic: —¿Tas yuj a win Abimelec chi tzon̈ 'a'nec mandar? ¿Tas sb'o winac yuj cha, an̈ 'aj Siquem on̈ec tic, an̈ tzon̈ 'och ya'malc servil winac? ¿Tom niwn yel'ch jun yunnal Gedeón cha? 'In a pax win Zebul cob' 'aych qui yajlilc yuj winac. Smoj tzqui nac coti, to a qui mam quichmec, atn win Hamor, atn win b'ojnac chan̈ jun chon̈b' Siquem tic. A cab' junc yin̈tl tz'och qui yajliloc.

Jueces 9:28 Referans Kwoze

Gn 34:2

A vin̈aj Hamor heveo, yajal yaj d'a jun chon̈ab' chi'. Ay jun yuninal vin̈ scuchan Siquem. Ayic ix yilanoch ix Dina vin̈aj Siquem chi', ix ixtaj ix yuj vin̈ d'a ac'b'il puralil.

A Ch'an̈ B'ab'el Libro Samuel 25:10

Palta ix yalan vin̈aj Nabal chi' icha tic: —¿Tas yaj vin̈aj David yuninal vin̈aj Isaí chi'? A ticnaic man̈ jantacoc vinac tz'el d'a eb' yajal, icha chi' yaj jun vin̈ chi'.

A Ch'an̈ Schab'l Libro Samuel 20:1

Ay jun vin̈ vinac yelxo te chuc spensar d'a scal eb' yin̈tilal Benjamín scuchan Seba yuninal vin̈aj Bicri. Ix spu noc' sch'aac vin̈, ix q'ue somnaj eb' anima chi' yuj vin̈, ix yalan vin̈ icha tic: A on̈ tic malaj calan quic d'a vin̈aj David yuninal vin̈aj Isaí tic. Con̈ paxec d'a co pat co masanil a on̈ israel on̈ tic, xchi vin̈ d'a eb'.

Jueces 9:26

A d'a jun tiempoal chi', ix c'och jun vin̈ scuchan Gaal yuninal vin̈aj Ebed yed' eb' sc'ab' yoc d'a Siquem chi', vach' ix can vin̈ d'a yol sat eb' anima ta'.

Gn 33:19

100 q'uen plata ix yac' vin̈ yic smanan jun lum luum chi' vin̈ d'a eb' yuninal vin̈aj Hamor, vin̈ ix ic'anel yich chon̈ab' Siquem. Ata' ix sb'oq'ue scampamento vin̈.

Jueces 9:41

Ix lajvi chi', ix meltzaj vin̈aj Abimelec chi' d'a chon̈ab' Aruma. Axo vin̈aj Zebul chi' ix pechanel vin̈aj Gaal yed' eb' sc'ab' yoc d'a Siquem chi' d'a juneln̈ej.