Jueces 9:25 - Chuj San Mateo Bible

²⁵ A eb' aj Siquem chi', ay eb' sb'at sc'ub'ejel sb'a d'a titac b'e d'a spac'ultac lum vitz, tz'elta eb' d'a eb' anima tz'ec' d'a yol b'e tz'ec' d'a slac'anil chon̈ab' chi' yic tz'elc'an eb'. Ix alji yab' vin̈aj Abimelec to icha chi' sc'ulej eb'.

Chuj San Sebastian Bible

²⁵ A eb' 'aj Siquem cha, 'ix yac' eb' sc'ub'c 'el sb'a jun tzo'n̈ eb' 'elc'm 'a stitc b'e 'a lum jolmctac witz. Ax yic tzlaj b'ey eb' 'anma 'a jun b'e cha, tz'elt eb' 'elc'm chi stoc'c tas tzyij b'ey eb'. 'Ix ya'n eb' 'anma chi yojcoc 'el Abimelec.

Jueces 9:25 Referans Kwoze

Josué 8:4

Ix yalan vin̈ d'a eb' vin̈ icha tic: Ab'ec tas ol vala', sb'at e c'ub'ejel e b'a d'a spatictac jun chon̈ab' chi', man̈ najatoc tzex eli, lista tzex aji.

Jueces 9:24

Icha chi' ix aj yac'ji spac d'a vin̈ yuj schamel 70 eb' vin̈ yuc'tac smilnacchamoc. Ix ac'jipax spac d'a eb' aj Siquem chi', yujto ix yac'och sb'a eb' yed' vin̈aj Abimelec chi' d'a schucal chi'.

Jueces 9:26

A d'a jun tiempoal chi', ix c'och jun vin̈ scuchan Gaal yuninal vin̈aj Ebed yed' eb' sc'ab' yoc d'a Siquem chi', vach' ix can vin̈ d'a yol sat eb' anima ta'.

Salmos 10:8

D'a stitac chon̈ab' tz'em c'ojan eb' smaclan yila' mach tz'ec'ta. D'a elc'altac smilcham eb' malaj smul eb'. Ayn̈ejoch sat eb' d'a eb' max uji scolan sb'a.