Jueces 7:15 - Chuj San Mateo Bible

¹⁵ Ayic ix yab'an vin̈aj Gedeón tas ix yutej yalan jun vayich chi' eb' vin̈, ix em cuman vin̈ d'a yichan̈ Jehová, ix yac'an yuj diosal vin̈ d'ay. Ix lajvi chi', ix q'uexta vin̈ d'a scampamento, ix yalan vin̈: —Coyec, yujto toxo ix yac'och eb' madianita Jehová d'a yol co c'ab', xchi vin̈.

Chuj San Sebastian Bible

¹⁵ A yic xyab'n Gedeón, tas tzyutj win chi ya'n spac swaych win yitb'eym cha, 'ix 'em cumn win yal yuj diosal 'a Dios. Xlajw cha, 'ix meltzj 'a 'aj 'ay scamplamento cha, ax yic 'ix c'ochi, 'ix yaln 'ixtc 'a eb' yit israelal cha: —Q'uen̈ec wan muc'uc, coyec, yujto tox 'ix yac' Jehová eb' madianita 'a yol qui c'ab'ec, xchi.

Jueces 7:15 Referans Kwoze

Jueces 4:14

Ix yalan ix Débora d'a vin̈aj Barac chi' yed' eb' soldado icha tic: —Eman̈ec, b'ab'elxo Jehová eyuuj, a' ol ac'anoch vin̈aj Sísara d'a yol e c'ab' ticnaic, xchi ix. Ix emta vin̈aj Barac yed' 10 mil eb' soldado d'a svitzal Tabor chi'.

Gn 41:11

Ay jun ac'val ix och co vayich co chavan̈il, junjun co vayich chi' ay syalelc'ochi.

Gn 40:8

—Ay val co vayich ix och d'a jun ac'val tic, palta malaj mach d'a tic tz'alan d'ayon̈ tas syalelc'ochi, xchi eb' vin̈. —¿Tom man̈oc Dios syal yalani tas syalelc'och vayich? Alec d'ayin tas ix e vayichej chi', xchi vin̈aj José chi'.

Gn 24:48

Ix lajvi chi' ix in em cumnajoc, ix valan in b'a d'a Jehová in Diosal yed' vin̈ in patrón d'a lesal, ix vac'an yuj diosal d'ay yujto ayn̈ejoch ved'oc yic in cot d'a yol b'e. Vach'n̈ej ix aj in coti, yic tzul vic'an ix yetb'eyum vin̈ yuninal vin̈ in patrón d'a e cal a ex sc'ab' yoc ex vin̈ tic.

Jueces 7:11

ol e maclan eyab'i tas van yalan eb', yuj chi' man̈ ol ach xiv och d'a oval chi', xchi d'a vin̈. Yuj chi' ix emc'och vin̈ yed' vin̈ schecab' chi' d'ac'valil b'aj ayel eb' stan̈van scampamento eb' madianita chi', yic smaclan yab' eb' vin̈ tas syal eb'.

Jueces 7:14

Ix tac'vi junxo vin̈ chi' icha tic: —A jun ixim pan chi' syalelc'ochi to a vin̈aj Gedeón yuninal vin̈aj Joás yed' eb' soldado israel ol on̈ ac'an ganar. Yujto a Dios ol on̈ ac'anoch co masanil d'a yol sc'ab' eb', xchi vin̈.

Jueces 7:16

Ox macan̈ ix yutej 300 eb' vin̈ soldado chi' vin̈. Junjun noc' ch'aac ix yac' vin̈ d'a junjun eb' vin̈ soldado chi' yic spu noc' eb' vin̈, ix yac'anpax junjun chen vin̈ d'a eb' vin̈, ayem staj eb' vin̈ ayoch sc'ac'al d'a yol chen chi'.

Jueces 8:7

Ix tac'vi vin̈aj Gedeón chi': —Ayic ol ac'jococh vin̈aj Zeba yed' vin̈aj Zalmuna chi' d'a yol co c'ab' yuj Jehová, ayic ol on̈ jax d'a tic, ol co maq'uel tzililjoc e chib'ejal d'a e patic d'a te' q'uiix ol quic'cot d'a taquin̈ luum, xchi vin̈.

Jueces 3:28

Ix yalan vin̈ d'a eb': Ochan̈ec tzac'an vuuj, yujto a eb' moabita ajc'ol d'ayon̈, toxo ix ac'jioch eb' d'a yol co c'ab' yuj Jehová, xchi vin̈. Yuj chi' ix b'at eb' yed' vin̈, ix c'och eb' smac d'a sjayil sti' a' Jordán b'aj tz'ec' eb' aj Moab chi', yuj chi' man̈xa junoc mach ix scha c'axpaj eb'.

A Ch'an̈ B'ab'el Libro Samuel 1:28

Axo ticnaic tz'el d'a in c'ool, svac'ancan vin̈ d'a Jehová. Yacb'an pitzan vin̈, yic Jehová yaj vin̈, xchi ix. Ix lajvi chi' ix em cumnaj eb' ejmelal d'a yichan̈ Jehová.

A Ch'an̈ B'ab'el Libro Samuel 14:12

A val d'a jun rato chi' ix avajemta eb' d'a vin̈aj Jonatán yed' d'a vin̈ yed'nac vin̈ chi': —Lemec, q'uean̈eccot d'a tic, ay jun tas ol cal eyab'i, xchi eb' filisteo chi'. Axo ix yalan vin̈aj Jonatán d'a vin̈ ajun yed' chi': —Ol ach q'uen̈ej tzac'an vuuj, yujto a ticnaic ol yac'och eb' filisteo tic Jehová d'a yol co c'ab' a on̈ israel on̈ tic, xchi vin̈.