Jueces 6:29 - Chuj San Mateo Bible

²⁹ Ix sc'anb'anec' eb': —¿Mach ix b'oan juntzan̈ tic? xchi eb'. Ix laj sc'anb'anec' yab' eb', axo ix yab'an eb' to a vin̈aj Gedeón yuninal vin̈aj Joás ix b'oani. Yuj chi' ix yal eb' d'a vin̈aj Joás chi' icha tic:

Chuj San Sebastian Bible

²⁹ Yuj cha, xlaj sc'anb'noc junjn eb' 'a 'a: ¿Mach wal xb'on jun tic? xchi eb'. Ax yic xlajw sc'anb'n 'ec' eb', 'ix yab'n eb' chajtlto a win Gedeón 'ix b'on jun cha, win yunnal Joás. Yuj cha, 'ix 'at eb' 'anma yal 'a Joás 'ixtic:

Jueces 6:29 Referans Kwoze

Jueces 6:28

Axo ix q'uin̈ib'i d'a junxo c'u, ayic ix q'ue vaan eb' anima d'a jun chon̈ab' chi', ix yilan eb' to toxo ix mac'ji vecchaj altar yic Baal chi', ix yilanpax eb' to toxo ix ch'acjiel te' yechel Asera d'a stz'ey altar chi'. Ix yab'anpax eb' to ay jun noc' vacax ix n̈usjitz'a silab'il d'a yib'an̈ jun altar toto ix b'o chi'.

Jueces 6:30

—Iq'uelta vin̈ uninal chi', ol co milcham vin̈. ¿Tas yuj ix smac'vecchaj altar yic Baal vin̈, ix sch'acanpaxel te' yechel Asera vin̈ d'a stz'ey chi'? xchi eb' anima chi'.

Is 44:11

Masanil eb' tz'och ejmelal d'a juntzan̈ yechel chi', ol q'uixvoccan eb', yujto a eb' sb'oan juntzan̈ yechel chi', animan̈ej eb'. Tato smolb'ej sb'a eb' smasanil d'a vichan̈ yic tzin ch'olb'itan eb', ol q'uixvoc val eb', ol xivcanq'ue eb'.

Jn 5:12

Ix sc'anb'an eb' d'a vin̈: —¿Mach jun vin̈ ix alan chi' d'ayach to tzic'chaan̈ a vaynub' tic, tzach b'eyi? xchi eb'.