Jueces 6:28 - Chuj San Mateo Bible

²⁸ Axo ix q'uin̈ib'i d'a junxo c'u, ayic ix q'ue vaan eb' anima d'a jun chon̈ab' chi', ix yilan eb' to toxo ix mac'ji vecchaj altar yic Baal chi', ix yilanpax eb' to toxo ix ch'acjiel te' yechel Asera d'a stz'ey altar chi'. Ix yab'anpax eb' to ay jun noc' vacax ix n̈usjitz'a silab'il d'a yib'an̈ jun altar toto ix b'o chi'.

Chuj San Sebastian Bible

²⁸ Ax 'a yic xq'uin̈lb'i 'el 'a junx c'u, 'ix q'ue wan eb' 'anma 'a jun chon̈b' cha. Ax xyiln eb' chajtlto mac'b'ilx 'ejm jun yet'l xajmb'al yic Baal, yet' pax jun te sch'oxnb'il comn dios Asherá 'ayc' 'a stz'ey cha, ch'acb'ilx 'el te'. Xyab'n pax eb' to 'ay jun no quelm wacx x'ajx tz'a xajmb'al-l 'a yib'n̈ jun yet'l xajmb'al tot xb'o cha.

Jueces 6:28 Referans Kwoze

Jueces 6:27

Yuj chi' ix b'at vin̈, ix yic'anb'at lajun̈van̈ schecab' vin̈, ix sc'anab'ajan vin̈ icha ix aj yalan Jehová chi'. Palta ix xiv vin̈ sb'oan d'a c'ualil yuj eb' sc'ab' yoc vin̈ smam. Ix xivpax vin̈ d'a eb' anima cajan d'a chon̈ab' chi', yuj chi' d'ac'valil ix laj sb'o juntzan̈ chi' vin̈.

Jueces 6:29

Ix sc'anb'anec' eb': —¿Mach ix b'oan juntzan̈ tic? xchi eb'. Ix laj sc'anb'anec' yab' eb', axo ix yab'an eb' to a vin̈aj Gedeón yuninal vin̈aj Joás ix b'oani. Yuj chi' ix yal eb' d'a vin̈aj Joás chi' icha tic:

A Ch'an̈ B'ab'el Libro Samuel 7:9

Elan̈chamel ix yic'cot jun noc' yune' calnel tzato chuni vin̈aj Samuel chi', ix sn̈usantz'a noc' vin̈ smasanil silab'il d'a Jehová, ix och ijan vin̈ sc'anan scolval. Elan̈chamel ix tac'vi Jehová d'a vin̈.

A Ch'an̈ Schab'il Libro Yic Yab'ixal Eb' Rey 18:4

Maj schaochlaj eb' anima vin̈ ejmelal d'a juntzan̈ lugar chaan̈. Ix schecan vin̈ mac'jocpoj juntzan̈ q'uen q'ueen chajul yaj d'a eb'. Ix ch'acchajel juntzan̈ te te' yechel Asera. Ix mac'jipoj jun q'uen yechel chan bronce b'ob'ilcan yuj vin̈aj Moisés, yujto sn̈us incienso eb' israel chi' d'ay, Nehustán ix sb'iejcan q'ueen yuj vin̈aj Ezequías chi'.