Jueces 6:26 - Chuj San Mateo Bible

²⁶ A d'a sjolom q'uen nivan q'uen chaan̈ ayq'uei, ata' tza b'oq'ue junoc altar d'ayin Jehová a Diosal in tic. Vach' tzutej a latz'anq'ue q'ueen. Axo te te' ix a ch'aquel chi', a te' tzac'och sc'atzitzaloc. Slajvi chi' tza milancham noc' vacax chi', tza n̈usantz'a noc' silab'il d'a yib'an̈, xchi d'a vin̈.

Chuj San Sebastian Bible

²⁶ Ax 'a sjolm q'uen q'uen cha, ata tza b'o chan̈ junc yet'l xajmb'al 'a 'ayn an Jehová a Diosal in tic. Tzlajw cha, tze'n cot no quelm wacx uque ab'il sq'uinl cha, tza'n tz'a no xajmb'alil, ax te te 'oj a ch'ac 'ejm cha, a te tza'ch sc'a'loc yaln̈ no', xchi.

Jueces 6:26 Referans Kwoze

1 Co 14:40

Vach'n̈ej tzeyutej e b'oan masanil tasi, ichaocab' val d'a stzolal tzeyutej.

1 Co 14:33

Tato ton̈ej tzon̈ q'ue somnaj calani, man̈oc d'a Dios scot jun chi', yujto a Dios chi' sgana to a d'a stzolal tzon̈ loloni. A syutej sb'a eb' creyente d'a junjun iglesia to a eb' ix ix numan tz'aj eb' ix.

A Ch'an̈ Schab'l Libro Samuel 24:18

A d'a jun c'u chi', ix javi vin̈aj Gad yal d'a vin̈aj David chi' icha tic: —Q'uean̈ d'a stec'lab' trigo vin̈aj Arauna aj Jebús, tza b'oan junoc altar d'a Jehová, xchi vin̈.

Ex 34:13

A val tas ol e c'ulej to ol e mac'poj yaltar eb' yed' yechel sdiosal eb'. Tze ch'acanel te te' yechel sdiosal eb' scuchan Asera.

Jueces 6:25

A d'a jun ac'val chi', ix yal Jehová d'a vin̈aj Gedeón chi': —Iq'uelta noc' schab'il mam vacax d'a scal noc' svacax vin̈ a mam, noc' uque' ab'il sq'uinal. Tza mac'an vecchaj yaltaril comon dios Baal b'ob'ilq'ue yuj vin̈ a mam chi', tza ch'acanpaxel jun te te' yechel comon dios Asera d'a stz'ey altar chi'.

Jueces 6:27

Yuj chi' ix b'at vin̈, ix yic'anb'at lajun̈van̈ schecab' vin̈, ix sc'anab'ajan vin̈ icha ix aj yalan Jehová chi'. Palta ix xiv vin̈ sb'oan d'a c'ualil yuj eb' sc'ab' yoc vin̈ smam. Ix xivpax vin̈ d'a eb' anima cajan d'a chon̈ab' chi', yuj chi' d'ac'valil ix laj sb'o juntzan̈ chi' vin̈.

A Ch'an̈ B'ab'el Libro Samuel 6:14

A d'a jun ac'lic yic vin̈aj Josué, d'a yol yic Bet-semes chi' ix javi te' carreta chi'. Ata' ix vanaj noc' vacax chi'. Ay jun q'uen nivan q'ueen ta', axo eb' levita ix ic'anemta te' caxa yic Jehová yed' te cajón b'aj ayem tastac chi'. Ix yac'anq'ue te' eb' d'a yib'an̈ jun q'uen nivan q'uen chi'. Ix och ijan eb' xicanb'at te' carreta chi' c'atzitzal, ix sn̈usantz'a noc' vacax chi' eb' silab'il d'a Jehová.

A Ch'an̈ Schab'l Libro Samuel 24:22

Ix tac'vi vin̈aj Arauna chi': —Ujocab' mamin, b'o'ocab'i, tzac'an silab' d'a Jehová icha val snib'ej a c'ool. Ay noc' vacax syal ac'an silab'il d'a tic. Ay te' mac'lab' trigo yed' te' yugo syal yoch c'atzitzal.