Jueces 6:19 - Chuj San Mateo Bible

¹⁹ Ix lajvi chi' ix b'at vin̈aj Gedeón sb'o jun noc' yune' chiva, ix sb'oanpax ixim pan vin̈ d'a jun echlab' ixim harina, malaj yich pan ix yac'b'at vin̈ d'a scal. Ix lajvi chi' ix yac'anem noc' chib'ej chi' vin̈ d'a yol jun te' mooch, axo d'a yol jun lum chen ix yaq'uem yalil noc' vin̈. Ix yic'ancot masanil juntzan̈ chi' vin̈ d'a yichan̈ Ángel chi' d'a yich jun te' mach' chi'.

Chuj San Sebastian Bible

¹⁹ Xlajw cha, 'ix 'at Gedeón, sb'on jun no yune chiwo, xyi'n cot jun echtab' 'ixm harina, sb'on jun tzo'n̈ pan may yich. Xlajw cha, xya'n 'ejm win no chib'j chi 'a yol jun te xu'uc, ax 'a yol jun lum chen ata xyac' 'ejm win yalil no chib'j cha. Xlajw cha, xyi'n cot smasnil jun tzo'n̈ chi 'a yojltac jun ángel 'aycn 'a yich te mach' cha.

Jueces 6:19 Referans Kwoze

Lv 2:4

A tz'ac'ji junoc ofrenda c'anb'inac d'a yol horno, aocab' ixim harina te vach', malaj yich sb'at d'a scal. Syal pim tz'aj sb'oji, scalaj yed' aceite, syalpax yoch d'a c'oxoxal to malaj yich, succhajec' aceite d'ay.

Mt 13:33

Ix yalanpax junxo ab'ix tic Jesús d'a eb': —Ol valxi d'ayex chajtil tz'aj sq'uib' sb'isul eb' anima yoch d'a yol sc'ab' Dios aj satchaan̈. Lajan icha jab' yich pan syac'och junoc ix ix d'a scal oxeoc echlab' harina. Masanil ixim harina chi' sipji yuuj, xchi Jesús.

Gn 18:5

Yacb'an ayex ec' d'a in tz'ey tic, tzin b'at vic'cot jab'oc tas ol e va, yic vach' tz'och eyip, ichato chi' ol ex b'atxoc, xchi vin̈ d'a eb'. —Ixic an, xchi eb' d'a vin̈.

Jueces 6:18

Tzin tevi d'ayach to max ach el d'a tic, ol vic'cot junoc in silab' d'ayach, xchi vin̈. Ix tac'vi Jehová chi': —Ayinn̈ej ec' d'a tic masanto ol ach jaxoc, xchi.

Jueces 6:20

Ix yalan Yángel Jehová chi' icha tic: Aq'uem noc' chib'ej yed' ixim pan chi' d'a yib'an̈ jun q'uen q'ueen tic, tza tob'anem yal noc' chi' d'a yib'an̈, xchi. Ix sc'anab'ajan vin̈ masanil tas ix yal chi'.

Gn 18:3

Ix yalan vin̈ icha tic: —Ach mamin, tato vach' in tzila', tzin tevi d'ayach to man̈ b'en̈ejoc tzex eq'ui.

Jueces 13:20

Ayic ix q'ue n̈ilnaj c'ac' d'a yib'an̈ altar chi', ix och Yángel Jehová chi' d'a scal c'ac' chi', ix paxq'uei. Ayic ix yilan eb' icha chi', ix em cumnaj eb', ix em n̈ojan eb' d'a sat luum.