Jueces 3:25 - Chuj San Mateo Bible

²⁵ Junip ix stan̈vej eb' vin̈, yujto max eltalaj vin̈ rey chi', yuj chi' ix somchajq'ue sc'ol eb' vin̈. Ix yic'ancot sllaveal puerta chi' eb' vin̈, ix sjacan eb' vin̈, axo ix yilan eb' vin̈ pac'jab'xo ec' vin̈ scham d'a sat luum.

Chuj San Sebastian Bible

²⁵ Caw 'ix stan̈wj eb', masnto stzactzj chan̈ eb', yujto matz jac win te n̈a cha, yuj cha, xyi'n 'el eb' sc'ab' te n̈a cha. Xlajw cha, sjacn eb' te', ax xyiln eb' t'ocn 'ec' win rey chi 'a sat lu'um, chamnc xo winac.

Jueces 3:25 Referans Kwoze

Jueces 3:24

Ayic toxo ix paxta vin̈, ix javi eb' vin̈ stan̈van vin̈ rey chi', ix yilan eb' vin̈ to macan te' puerta chi'. A snaan eb' vin̈ to van stzaji vin̈ yuj chi' ix smac te' puerta chi' vin̈.

Jueces 3:26

Yacb'an tz'ec' tiempo d'a eb' vin̈ icha chi', axo vin̈aj Aod toxo ix el lemnaj vin̈. Toxo ix ec'ta vin̈ b'aj ay juntzan̈ yechel comon dios d'a Gilgal, ix cot vin̈ elelal d'a yol yic Seirat.