Jueces 20:40 - Chuj San Mateo Bible

⁴⁰ A val d'a jun rato chi' ix q'ue juyuyoc tab' d'a chon̈ab' chi'. Ayic ix yilanb'at eb' yic Benjamín chi' d'a spatic, juyuyi sq'ue stab'il schon̈ab' eb' chi' d'a chaan̈.

Chuj San Sebastian Bible

⁴⁰ Palta ax yic schan 'el yich sq'ue wan tocc'oc stab'l jun chon̈b' cha, 'ix yiln 'at eb' 'a spatquil, chajtlto tocq'ui sq'ue wan stab'l schon̈b' eb' 'a satchan̈ stz'a'i.

Jueces 20:40 Referans Kwoze

Josué 8:20

Axo yic ix meltzajb'at q'uelan eb' vin̈ soldado aj Hai chi', ix yilan eb' van sq'ue stab'il schon̈ab' eb' chi' stz'ab'ati. Man̈xa b'aj ix yal scolan sb'a eb', yujto a eb' israel van yel d'a eb' chi', ix meltzaj eb' yac' oval yed' eb'.

Apoc 19:3

Ix lajvi chi', ix laj yalanxi eb': Aleluya. Man̈xa b'aq'uin̈ ol lajvoc sq'ue stab'il jun ix ajmul ix chi' stz'ai, xchi eb'.

Jl 2:30

Ol in ch'oxan juntzan̈ tas d'a satchaan̈ yed' d'a sat luum, ay chic', c'ac', ma nivac tab' icha asun yed' juntzan̈xo tas te satub'tac.

Cantares 3:6

¿Tas jun scot d'a tz'inan lum chi', d'a scal jun topan̈ tab' scoti, aton d'a scal stab'il mirra yed' incienso yed' masanil macan̈ suc'uq'ui sjab' chon̈b'il yuj eb' chon̈vajum?

Gn 19:28

Axo ix yilan vin̈ to a Sodoma yed' Gomorra yed' masanil jun ac'lic chi', b'acaquixon̈ej sq'ue stab'il icha sq'ue stab'il junoc nivan horno.

Jueces 19:16

Axo yic vanxo sq'ue ac'val ix ec' jun vin̈ icham vinac spetoj d'a smunlajel. A d'a tzalquixtac d'a yol yic Efraín ay schon̈ab' vin̈, palta cajan vin̈ d'a Gabaa d'a scal eb' yin̈tilal Benjamín d'a jun tiempoal chi'.