Jueces 20:22 - Chuj San Mateo Bible

^22-24 Yuj chi' ix b'at eb' israel chi' d'a yichan̈ Jehová, cusc'olal yaj eb' ix ec' c'u, masanto ix q'uic'b'iemi. Ix lajvi chi' ix sc'anb'an eb' d'a Jehová: ¿Tzam on̈ b'atxi cac' oval yed' eb' quetisraelal yin̈tilal Benjamín? xchi eb'. Ix yalan Jehová: Ixiquec, xchi d'a eb'. Yuj chi' ix yic'anxi yip eb', axo d'a junxo c'u ix b'at eb' yac'xi oval yed' eb' yin̈tilal Benjamín chi'. An̈eja' b'aj ix och eb' d'a sb'ab'elal, ata' ix ochxi eb'.

Chuj San Sebastian Bible

^22-24 Yuj cha, 'ix 'at eb' israel 'a Bet-el, yic tz'oc' eb' yuj cusc'ojlal 'a yojltac Jehová masnto xq'uic'b'i. 'Ix sc'anb'n eb' 'ixtc 'a Jehová: —¿Tzam on̈ 'at cac' owl yet' eb' quit israelal, atn eb' yin̈tl Benjamín? xchi eb'. 'Ix yaln Jehová: —'Ixquec, xchi. Yuj cha, xyi'n pax eb' sniwnal sc'ojol. Ax 'a junx c'u 'ix 'atx eb' yac' owl yet' eb' yin̈tl Benjamín cha. An̈j 'ijnoc a 'aj 'ix 'och owl yuj eb' 'a b'ab'el, ata xcan eb' jun 'ejm xo.

Jueces 20:22 Referans Kwoze

Salmos 64:5

Munil syiptzitej sb'a eb' sc'ulan chucal. Snanonec' sc'ol eb' yac'anem yaal d'a elc'altac. Malaj mach tz'ilan eb' yalani.

A Ch'an̈ Schab'l Libro Samuel 11:25

Ix yalan vin̈ rey d'a jun vin̈ checab' chi': —Al d'a vin̈aj Joab chi' to max cuslaj vin̈ yuj jun chi'. Toxonton icha chi' d'a oval tic, ay mach schami. Yac'ocab' yip vin̈ yac'an oval d'a jun chon̈ab' chi', masanto syal satel eb' anima chi' yuj vin̈, xa chi d'a vin̈. Icha chi' tz'aj iptzitan vin̈aj Joab chi', xchi vin̈aj rey David chi' d'a jun vin̈ checab' chi'.

A Ch'an̈ B'ab'el Libro Samuel 30:6

Ix te och vin̈aj David chi' d'a ilc'olal, yujto ijan sjulq'uenajcham vin̈ yuj eb' soldado chi'. Masanil eb' te chab'xo sc'ol yuj tas ix utaj eb' yuninal eb' chi', palta axo vin̈aj David chi', ix yac'val och spensar vin̈ d'a Jehová sDiosal.

Jueces 20:17

Axo pax juntzan̈xo eb' israel chi', ay am 400 mil eb' soldado te c'ajan d'a oval, malaj eb' aj Benjamín chi' d'a scal eb'.

Jueces 20:15

Ay am 26 mil eb' soldado ix cot d'a juntzan̈ chon̈ab' d'a yol yic Benjamín chi', yed'nac syamc'ab' eb' yic oval. Ch'oc pax yaj 700 eb' soldado te jelan, aj Gabaa chi' eb'.

Jueces 20:21

Axo eb' yin̈tilal Benjamín chi', ix elta eb' d'a yol chon̈ab' chi'. A d'a jun c'u chi', 22 mil eb' yetisraelal eb' chi' ix smilchamoc.