Jueces 19:20 - Chuj San Mateo Bible

²⁰ Ix tac'vi vin̈ icham vinac chi' d'a vin̈: —Malaj tas tza na', a in ol vac' masanil tas ol och eyuj, max yal in c'ol tzex can d'a mercado tic d'a d'ac'valil tic, xchi vin̈.

Chuj San Sebastian Bible

²⁰ 'Ix ta'w win 'ichm winc chi 'ixtc 'a winac: —Junc'ojlal cab' aji. An 'oj wac' smasnil tastc 'ay tz'och o'oj. Matz yal in c'ojl to 'oj a can 'a plas 'a jun 'ac'wl tic, xchi winac.

Jueces 19:20 Referans Kwoze

Jueces 6:23

Ix yalan Jehová d'a vin̈ icha tic: —Man̈ ach xivoc, man̈ ol ach chamlaj, xchi d'a vin̈.

1 Jn 3:18

Ex xajanab'il vuuj, man̈ ton̈ejoc scal yed' co ti' to sco xajanej co b'a. Yovalil tzon̈ colvaj d'a eb' quetcreyenteal. Icha chi' scutej co ch'oxaneli to d'a val yel sco xajanej co b'a.

A Sb'ab'el Carta San Pedro 4:9

Vach' scutejec co b'a d'a eb' slaj ec' d'ayon̈, d'a smasanilocab' co c'ool sco cha eb'.

A Ch'an̈ Carta D'a Eb' Hebreo 13:2

Mocab' puraloc scac' sposado eb' tz'ec' d'ayon̈, yujto man̈ cojtacoc mach eb'. Ay eb' ac'jinac sposado eb' ángel, palta maj nachajel yuj eb' tato ángel eb' b'aj vach' yutejnac sb'a eb' chi'.

Gl 6:6

A eb' tzon̈ c'ayb'an d'a slolonel Dios, yovalil tzon̈ colvaj cac'an juntzan̈ tastac vach' d'a eb'.

1 Co 1:3

In gana, a co Mam Dios yed' Cajal Jesucristo tz'ac'an svach'c'olal d'ayex, syac'anpax sjunc'olal d'ayex ta'.

Ro 12:13

Yovalil tzon̈ colvaj d'a stzapanil smajanil eb' yicxo Dios. Vach' pax scutej co b'a d'a eb' tz'ec' d'ayon̈.

Jn 14:27

A ticnaic, svac'can in junc'olal d'ayex. A in junc'olal svac'can d'ayex tic, man̈ lajanoc icha junc'olal syac' eb' yic yolyib'an̈q'uinal tic. Man̈ eyac' somchajel e c'ool, man̈ ex xivoc.

1 Cr 12:18

Ix och Yespíritu Dios d'a vin̈aj Amasai yajalil eb' vin̈ 30 soldado b'inajnac, yuj chi' ix yal vin̈ icha tic: Scac' val och co b'a ed'oc ach David yuninal vin̈aj Isaí. A ach tic yed' eb' ayoch ed'oc, vach'n̈ej ol aj eyelc'ochi, yujto a co Diosal scolvaj val ed'oc, xchi vin̈ d'a vin̈aj David chi'. Yuj chi' ix chaji eb' vin̈ yuj vin̈aj David chi', ix ac'ji yopisio eb' vin̈ d'a scal eb' vin̈ yajalil eb' vin̈ soldado chi' yuj vin̈.

A Ch'an̈ B'ab'el Libro Samuel 25:6

b'at yalpax juntzan̈ lolonel tic eb' vin̈ d'a vin̈: Syal vin̈aj David: Junc'olalocab' ajec' yed' masanil eb' cajan ed'oc d'a yol a pat yed' masanil tas ay d'ayach.